Májilis tóraǵasy Erlan Qoshanov kezekten tys Prezıdent saılaýynda «Bárine qarsymyn» degen baǵannyń ekinshi oryn alýy týraly pikir bildirdi, dep habarlaıdy Almaty-akshamy.kz.
Májilistiń jalpy otyrysynan keıin BAQ ókilderine suhbat bergen spıker Erlan Qoshanov kezekten tys ótken Prezıdent saılaýy týraly pikir bildirdi.
«Bul - ózińiz aıtyp turǵan ekinshi grafaǵa daýys bergen saılaýshylardyń quqyǵy, erki. Oǵan men baǵa bere almaımyn. Olardyń óz oıy bar. Iaǵnı, olar barlyq kandıdattarǵa qarsy degen sóz. Halyqtyń ishinde ártúrli kóńil-kúı bar. Biraq 82 paıyzǵa taıaý halyq Prezıdentti qoldaıdy degenge saıady. Búgingi Prezıdenttiń jasap jatqan reformalaryna, baǵytyna, baǵdarlamasyna, turaqtylyqqa senedi degen sóz. Ár adamnyń kóńil-kúıi birdeı emes qoı», - dedi Májilis spıkeri.