Granttyń mólsheri – 400 AEK nemese 1 572 800 teńge.
Birinshi lekte 4 500 adamdy qamtý kózdelip otyr, dep habarlaıdy aqshamnews.kz
21 mamyrdan bastap Business.enbek.kz portalynda jańa bıznes-ıdeıalardy iske asyrýǵa arnalǵan memlekettik granttarǵa ótinim qabyldaý bastalady.
Grantqa kelesi azamattar úmitker bola alady:
– jumyssyz retinde tirkelgen tulǵalar;
– jeke kásipker retinde tirkelgenine úsh jyldan aspaǵan kásipkerler.
Sonymen birge úmitker áleýmettik osal toptardyń birine jatýy tıis (múgedektigi bar azamattar, kópbalaly otbasylar, qandastar jáne t.b.) jáne sońǵy úsh jyl ishinde «Bastaý Bıznes» jobasy boıynsha kásipkerlik negizderine oqyp, sertıfıkat alýy qajet.
Ótinim berý tolyqtaı elektrondy túrde júzege asyrylady: portalda tirkelý, bıznes-jospardy toltyrý jáne ESQ arqyly rastaý qajet.
Grant qarajatyn bızneske qajetti qural-jabdyq, mal, kóshet, tehnologıalar satyp alýǵa jáne oryn-jaı jaldaýǵa paıdalanýǵa bolady.