Jańa oqý jylynyń alǵashqy kúninde el Prezıdenti Qasym-Jomart Toqaev Qazaqstan halqyna kezekti Joldaýyn jarıalady.
Joldaýdy taǵatsyzdana kútip, tyńdap shyqtym. Sebebi, Qazaqstan Respýblıkasynyń azamatshasy retinde Jańa Qazaqstandy qurý jolyndaǵy ózgerister men josparlar, naqty qadamdarmen tanys bolǵym keldi, dep habarlaıdy Almaty-akshamy.kz.
Prezıdent Qazaqstan halqyna jasaǵan kezekti Joldaýynda elimizdegi júrgizilip otyrǵan Konstıtýsıalyq reformanyń negizgi baǵyty – saıası-áleýmettik júıeni jańǵyrtý arqyly ádiletti Qazaqstandy qurý ekendigin basa aıtyp, halyqtyń ál-aýqatyn arttyrý, turmysy tómen otbasylardyń jaǵdaıyna kóńil bólip, múmkindigi shekteýli azamattardyń jaǵdaıyn jaqsartý, kishi jáne orta bıznesti damytý, makroekonomıkalyq júıeni turaqtandyrý, jańa salyq saıasatyn engizý ózge de baǵyttarǵa «bir tereze» qaǵıdatyn engizýdi atap ótti.Saıası qujattyń negizgi bóligi elimizdiń áleýmettik-ekonomıkalyq damýy men tyń jańalyqtarǵa toly boldy. Munymen birge, bilim, bala bolashaǵy, tabysty ult bolýdyń satylaryna da kezekpen toqtaldy.
Ásirese, Joldaýda meni qyzyqtyrǵany, Prezıdenttiń «Biz «Azamat – bıznes-memleket» arasyndaǵy qatynasty túbegeıli ózgertemiz» degen sózi kóp kásipkerge serpin bergendeı. Onyń dáleli shaǵyn jáne orta bıznesti damytýǵa qatysty birqat ar baǵytt ardy usyndy. Munymen qosa qarapaıym eńbek adamdaryn nazardan tys qaldyrmaı, eń tómengi jalaqyny 70 myńǵa deıin kóterý kerektigin qadap
aıtty.
Biz saıası transformasıamen, saıası básekelestiktiń ósýimen, jańa syn-tegeýrinderge jaýap izdeýmen sıpattalatyn memleketimizdiń damýynyń jańa kezeńine kirdik. Saıası qujattyń sońynda Prezıdent elimizdiń saıası ómirinde birqatar ózgerister orynalatyndyǵyn jetkizdi.
Ádiletti Qazaqstanda Otbasy gúldengen, ult – bilimdi jáne deni saý qoǵam – eńbekke qabiletti jáne belsendi bolýy tıis. Halyq únine qulaq as atyn memleket tujyrymdamasy negizinde qazaqstandyq qoǵam teń quqyqtar men múmkindikterdiń, biryńǵaı zań men tártiptiń, ádildikti qamtamasyz etýdiń alańyna aınalýy úshin úlken jumys kútip tur.