Jańa basqarmalar Almaty aýdandyq ákimdikteriniń basqa basqarmalary men apparattaryn ońtaılandyrý esebinen qurylady. Bul týraly máslıhattyń kezekten tys XIV sesıasynda Almaty ákimi apparatynyń basshysy Beıbit Shahanov málimdedi, dep habarlaıdy almaty-akshamy.kz.
«Seısmıkalyq qaýipsizdik jáne jumyldyrý daıyndyǵy basqarmalaryn qurý shtattyń ulǵaıýyn bildirmeıdi. Jańa qurylymdar aýdandyq ákimdikterdiń basqa basqarmalary men apparattaryn ońtaılandyrý esebinen qalyptastyrylýda. Sondaı-aq qolda bar resýrstardy qaıta bólý esebinen qosymsha búdjet qarajatyn bólýdiń qajeti joq», - dedi ol.
Jańa basqarmalar Almaty máslıhatynyń kezekten tys XIV sesıasynda bekitildi. Qala ákimi apparatynyń basshysy Beıbit Shahanovtyń aıtýynsha, jańa qurylymdardyń arqasynda qalada óńirdegi seısmıkalyq qaýipsizdikti qamtamasyz etýge jáne qoǵamdyq keńistikterdi salý men jańǵyrtýda biryńǵaı qaǵıdattar men tásilderdi saqtaýǵa baılanysty problemalar sheshiletin bolady.