Búgin Májilistiń plenarlyq otyrysynda áıelderdiń quqyqtaryn jáne balalardyń qaýipsizdigin qamtamasyz etýge qatysty zań jobasy birinshi oqylymda qabyldandy.
Onda turmystyq zorlyq-zombylyq máselelerin sheshýdiń jan-jaqty tásilderi qarastyrylǵan. Bul qujat Prezıdenttiń byltyr kúzde jarıalaǵan Joldaýyn júzege asyrý aıasynda ázirlendi.
Jalpy, osy jobaǵa sáıkes túrli zań aktilerine 70 túzetý engizý kózdelip otyr. Sonyń ishinde, otbasylarǵa kómek kórsetý ınfraqurylymyn qalyptastyrýǵa baǵyttalǵan ózgeristerdi, sondaı-aq turmys salasyndaǵy qylmystar jáne balalarǵa qarsy jasalǵan zorlyq-zombylyqtyń barlyq túrleri úshin jazany kúsheıtýdi atap ótýge bolady.
Máselen, adamdy uryp-soqqany, densaýlyqqa jeńil, aýyrlyǵy ortasha jáne aýyr zıan keltirgeni, azaptap-qınaǵany úshin qylmystyq jaýapkershilik engizildi jáne kúsheıtildi.
Budan bólek, turmystyq zorlyq-zombylyq faktilerin anyqtaýǵa jáne aldyn-alýǵa baǵyttalǵan birqatar shara kózdelgen.
Zań jobasyn depýtattar memlekettik organdarmen, sarapshylar qaýymdastyǵymen jáne qoǵamdyq uıymdarmen birlesip ázirledi.
Bul qujatty daıyndaýǵa Balalar quqyǵy jónindegi ýákil Dınara Zákıeva belsene atsalysty.