Qundylyǵy joǵary kóne kólikter
Germanıanyń Múnhen qalasynda kólikter kórmesi ashyldy, dep habarlaıdy Almaty-akshamy.kz 24.kz-ke silteme jasap.
Shoýda nemis alpaýyttary tutynýshylar nazaryna ózderiniń sońǵy úlgidegi kólikterin usynǵan. Sondaı aq avtoshoýda klasıkaǵa aınalǵan eski kólikterdi de tamashalap satyp alýǵa bolady.
Ár eki jylda bir ret Frankfýrt qalasynda ótkiziletin avtoshoý bıyl Bavarıanyń ortalyǵy Múnhen shaharynda uıymdastyrylyp otyr. Kórmege nemis alpaýyttarynyń sý jańa joǵary tehnologıalyq kólikterimen qatar, kóne klasıkalyq jáne sporttyq karlar da qoıylǵan.
Baǵzy zamanda az tırajben shyǵarylyp, qazir tek kolleksıonerlerdiń ıeliginen kezdestiriletin kóne kólikterge arnaıy burysh ashylǵan. Keıbirin satyp alýǵa da bolady.
Mysaly, 1957 jylǵy mersedes kóligi 1 mıllıon 150 myń eýro turady. Qymbat, biraq sapasy minsiz deıdi mamandar.
«Qazir kólikterde plasıkten jasalǵan bólshekter kóp. Al ol kezderde bul materıal az bolǵandyqtan, sırek paıdalanyldy. Sondyqtan ony kólikte qoldaný naǵyz sheberlik boldy. Onyń ústine mundaı tulparlar arnaıy tapsyryspen jasalatyn. Kóne kólikter osynysymen qundy», - dedi Motorworld kórmesiniń bas dırektory Andreas Dúnkel.