Bul joba Qazaqstan-Túrkıa ınvestısıalyq yntymaqtastyǵy tarıhynda serpindi bolatyny sózsiz
QR Premer-Mınıstri Álıhan Smaıylov Yildirim Holding kompanıalar tobynyń prezıdenti - bas dırektory Robert Iýksel Iyldyrymmen kezdesti, dep habarlaıdy Almaty-akshamy.kz Primeminister.kz saıtyna silteme jasap.
Kompanıa basshysy Premer-Mınıstrge kompanıanyń Qazaqstandaǵy qyzmeti men jańa jobalardy iske asyrý perspektıvalary týraly aıtyp berdi.
Qazirgi ýaqytta Yildirim Holding Aqtóbe oblysynda hrom kenin jáne konsentratyn óndirý boıynsha tabysty jumys istep keledi, sondaı-aq «Qazgeologıa» AQ-men birlesip, shıkizat bazasyn tolyqtyrý aıasynda Pavlodar, Qaraǵandy jáne Shyǵys Qazaqstan oblystarynda geologıalyq barlaý júrgizip jatyr.
R.Iý. Iyldyrymnyń aıtýynsha, 2013 jyldan bastap holdıń Qazaqstan ekonomıkasyna $500 mln-nan astam ınvestısıa salǵan.
Kezdesý barysynda Álıhan Smaıylov QR Úkimeti Yildirim Holding kompanıasynyń Qazaqstandaǵy eń iri túrik ınvestorlarynyń úshtigine kiretinin eskere otyryp, bizdiń elge ınvestısıalardy keńeıtýdi quptaıtynyn jetkizdi.
Premer-Mınıstr holdıń bastamashylyq etken Jambyl oblysynda kálsılendirilgen soda óndirý zaýytyn salý jobasy úlken mańyzǵa ıe ekenin atap ótti. Atalǵan jobany iske asyrý nátıjesinde Qazaqstan ony ımporttaýdan eksporttaýǵa kóshýi tıis.
«Bul joba Qazaqstan-Túrkıa ınvestısıalyq yntymaqtastyǵy tarıhynda serpindi bolatyny sózsiz. Memleket qazirdiń ózinde qajetti ınfraqurylymdy qamtamasyz etý boıynsha óz mindettemelerin oryndaýǵa kiristi. Osyǵan baılanysty 2025 jylǵa deıin zaýytty iske qosý úshin qurylys-montajdaý jumystarynyń belsendi kezeńi bastalady dep otyrmyz», - dedi Álıhan Smaıylov óz sózinde.
Óz kezeginde R.Iý Iyldyrym qazaqstandyq áriptesterine jobalardy júzege asyrýda kórsetken kómegi úshin alǵys bildirip, Yildirim Holding Qazaqstanmen yntymaqtastyqty keńeıtýge daıyn ekenin atap ótti.