Jambyl oblystyq kópbeıindi onkologıa jáne hırýrgıa ortalyǵynyń dırektory Jandos Seıdahmetovtiń bastamasymen onkologıalyq aýrýlardy anyqtaýda asa mańyzdy sanalatyn dıagnostıkalyq ádistiń túri – ekspress-gıstologıa iske qosyldy.
Ortalyqta jylyna 800-den astam ota jasalady, dep habarlaıdy aqshamnews.kz.
DSM málimetinshe, buryn pasıentke medısınalyq saraptaý qorytyndysyn qoıý úshin onyń gıstologıalyq taldaýy Almaty jáne Astana qalalaryna jiberilip, qorytyndysyn kútý úshin 2-3 apta ýaqyt ketetin. Gıstologıalyq zertteý nátıjesi kelmeıinshe, naýqasqa em taǵaıyndaý da múmkin bolmaıtyn.
Ekspress-gıstologıa – ota kezinde alynǵan tin úlgisin jedel túrde muzdatyp, mıkroskoppen zertteýge múmkindik beretin zamanaýı ádis. Ol nebári 15–20 mınýt ishinde nátıjeni anyqtap, operasıa barysyna dereý ózgeris engizýge jaǵdaı jasaıdy. Mundaı tehnologıa hırýrgıanyń dáldigin arttyryp qana qoımaı, emniń tıimdi strategıasyn tańdaýǵa múmkindik beredi.
Ortalyq mamandarynyń ádisti meńgerý boıynsha biliktilikteri jetildirilip, tájirıbe almasýlardan ótti. Aldaǵy ýaqytta onkologıalyq aýrýlardy 15-20 mınýtta anyqtaıtyn ádistiń arqasynda bul dertti emdeýge tıimdilik te joǵarylymaq.