«AMANAT» partıasynyń Tóraǵasy jýyrda Úkimettiń atom energetıkasy salasynda kadr daıarlaý boıynsha arnaıy baǵdarlama qabyldaıtynyn málimdedi. Aldaǵy úsh jylda «Bolashaq» baǵdarlamasy aıasynda álemniń úzdik joǵary oqý oryndaryna dál osy salaǵa qatysty granttar bólinedi, dep habarlaıdy aqshamnews.kz
Ýran ónerkásibi mamandaryna taǵylymdama jáne qaıta daıarlaý baǵdarlamalary engizilip, bul sharalar AES qurylysy aıaqtalǵan kezde 3 myńnan astam joǵary bilikti maman daıarlaýǵa múmkindik beredi. Osyǵan baılanysty muǵalimderdiń mindeti – oqýshylardy naqty ǵylymdarǵa qyzyqtyryp, olardyń bolashaq mamandyqtaryn tańdaýǵa baǵyt berý.
Kezdesý barysynda Halyqtyq shtab músheleri de sóz aldy. Ulttyq ǵylym akademıasynyń prezıdenti Aqylbek Kúrishbaev álemdegi atom energetıkasyn damytý úrdisterin jáne qazaqstandyq ǵylymı ázirlemelerdiń mańyzyn atap ótip, elimizdiń AES salýǵa tolyqtaı daıyn ekenin aıtty. Májilis depýtaty Muqash Eskendirov energetıkalyq máselelerdi tez arada sheshýdiń el ekonomıkasyn damytý úshin asa mańyzdy ekenin túsindirdi. Iadrolyq fızıka ınstıtýtynyń dırektory Saıabek Sahıev qazirgi zamanǵy úshinshi býyn ıadrolyq reaktorlardyń qaýipsizdigi, tıimdiligi jáne ekologıalyq tazalyǵy týraly habardar etti.
Halyqtyq shtab jergilikti temirjol qyzmetkerlerimen de kezdesti. Olar Memleket basshysynyń kólik-logıstıka salasyn damytýǵa erekshe nazar aýdarǵanyn aıtty. Temirjol salasyna jańa joldar salý, poıyzdar men vagondar satyp alý, sıfrlandyrýdy engizý sıaqty keshendi reformalar qajet.
Temirjol jelisin elektr energıasymen qamtýdyń tómendigi ótkizý qabiletiniń shektelýine, jolaýshylar men júk tasymalynyń baıaýlaýyna sebep bolyp otyr. Máselen, Shý-Almaty ýchaskesinde elektr energıasy jıi úzilip, tranzıttik áleýetimizdi tolyq paıdalanýǵa kedergi keltirýde. AES qurylysy bul máselelerdi sheship, otandyq temirjol júıesine qoljetimdi ári senimdi elektr energıasyn jetkizedi.