Jetisý oblysynda jamby atýdan el chempıonaty bastaldy.
Jasóspirimder arasyndaǵy birinshilik respýblıkamyzda osymen toǵyzynshy ret uıymdastyrylyp otyr, dep habarlaıdy Almaty-akshamy.kz 24.kz-ke silteme jasap.
Saıysqa óńirlerdegi irikteý týrnıriniń jeńimpazy atanǵan 60-qa jýyq sportshy qatysyp, baq synaıdy. Jaýyngerlik ónerdi janyna serik etken qyz-jigitter "Azıa", "majar", "túrki" jáne "jamby" stıli boıynsha úzdikterdi anyqtaıdy. Tórt kúndik jarysta mergendigimen kózge túskender ulttyq quramaǵa qosylady.
Nurasyl Meıiruly, jarysqa qatysýshy: - Kókshetaý qalasynda ótken chempıonatynda túrik nysanasynan birinshi oryn, Jamby nysanasynan úshinshi oryn jáne taıtuıaq utyp alǵan bolatynmyn. Búgingi jarystan úzdik úshtikten kórinem degen oıdamyn.
Baǵdáýlet Sábıtov, Ulttyq jáne at sporty túrleri ortalyǵynyń dırektory: - Bul jarysta jeńimpaz bolǵan sportshylar sport sheberligine úmitker normatıvin oryndaıdy. Ulttyq qurama sapyna ilinedi. Halyqaralyq jarystar bolyp jatqan jaǵdaıda eldiń namysyn qorǵaıdy.