Almatyda polısıa zańsyz kýrerlik qyzmetpen aınalysqan sheteldikterdi ustady.
Bul derekterdi kóshi-qon qyzmeti “Zańsyz kelýshi” jedel-profılaktıkalyq is-sharasy barysynda anyqtady, dep habarlaıdy Almaty-akshamy.kz Polisia.kz-ke silteme jasap.
– Kórshi eldiń 9 azamatynyń kóshi-qon zańnamasynyń talaptaryn buza otyryp, eńbek qyzmetin júzege asyrǵany belgili boldy. Atap aıtqanda kýrerlik platformalardyń birinde olar qazaqstandyqtardyń atynan tirkelip, taýarlardy jetkizýge tapsyrystar alǵan. Sonymen qatar, tekserý barysynda joǵaryda atalǵan azamattardyń ózderimen birge jeke basyn kýálandyratyn qujattary bolmaǵany anyqtaldy. “Quqyq buzýshylyqtyń aldyn alý týraly” Zańnyń 29-babynyń erejelerine sáıkes, sheteldik quqyq buzýshylar qabyldap-taratý ornyna ornalastyrylady. Olardyń árqaısysynyń jeke basyn anyqtaý jáne odan ári jaýapkershilikke tartý jumystary júrgizilip jatyr, – dedi Almaty qalalyq PD kóshi-qon qyzmeti basqarmasy bastyǵynyń orynbasary Gennadıı Men.
Spıker sondaı-aq “Zańsyz kelýshi” jedel-profılaktıkalyq is-sharasynyń maqsaty – zańsyz júrgen sheteldikterdi anyqtaý, sonymen qatar zańsyz kóshi-qon arnalarynyń jolyn kesý ekenin eske saldy.