Negizgi mindet sybaılas jemqorlyq pen kóleńkeli ekonomıka deńgeıin tómendetý bolyp tabylady.
Bul týraly Óńirlik komýnıkasıalar qyzmetiniń brıfıńinde Almaty qalasy boıynsha Memlekettik kirister departamentiniń óndiristik emes tólemder basqarmasynyń basshysy Qanaǵat Kúlembaev málimdedi, dep habarlaıdy Almaty-akshamy.kz.
2021 jylǵy 1 qańtardan bastap Qazaqstanda kezeń-kezeńimen jalpyǵa birdeı deklarasıalaý engizildi.
ÓKQ spıkeri 2021 jylǵy 1 qańtardan bastap memlekettik qyzmetshiler men olarǵa teńestirilgen adamdar, sondaı-aq olardyń jubaılary «kirý» deklarasıasyn tapsyrǵanyn eske saldy.
Ekinshi kezeńde 2023 jyly deklarasıany memlekettik mekemeler men kvazımemlekettik sektordyń qyzmetkerleri, sondaı-aq olardyń jubaılary tapsyrdy.
Úshinshi kezeńde, 2024 jylǵy 1 qańtardan bastap deklarasıany zańdy tulǵalardyń basshylary men quryltaıshylary (qatysýshylary), jeke kásipkerler, sondaı-aq olardyń jubaılary tapsyrady.
Tórtinshi kezeńde, 2025 jylǵy 1 qańtardan bastap - azamattardyń qalǵan sanattary (mysaly, jeke qurylymdardyń qyzmetkerleri, zeınetkerler, úı sharýasyndaǵy áıelder, stýdentter jáne basqalar) tapsyrady.
«Aktıvter men mindettemeler týraly deklarasıa (250.00-nysan) bir ret tapsyrylady jáne 31 jeltoqsandaǵy jaǵdaı boıynsha málimetterdi kórsetedi», - dedi Q.Kúlembaev.
2024 jylǵy 1 qańtardan bastap deklarasıa tapsyrylýy tıis:
- jeke kásipkerler jáne olardyń jubaılary;
- zańdy tulǵalardyń basshylary, quryltaıshylary (qatysýshylary) jáne olardyń jubaılary.
Bul talap jumysy joq jáne qyzmetin toqtatqan adamdarǵa da qatysty.
Fılıaldar men ókildikterdiń basshylary 2024 jyly aktıvter men mindettemeler týraly deklarasıany usynýǵa mindetti emes, óıtkeni olar azamattyq zańnamaǵa sáıkes (QR MK 43-baby) zańdy tulǵalar bolyp tabylmaıdy.
2024 jyly jalpyǵa birdeı deklarasıalaý sheńberinde jeke praktıkamen aınalysatyn adamdar, ıaǵnı notarıýstar, advokattar, jeke sot oryndaýshylary jáne kásibı medıatorlar deklarasıa tapsyrmaıdy.
Siz jeke kásipker nemese qyzmetin toqtatqan zańdy tulǵanyń basshysy ekenińizdi nemese senimsiz salyq tóleýshiler tiziminde ekenińizdi Memlekettik kirister komıtetiniń www.kgd.gov.kz.ınternet-resýrsynyń elektrondyq servısterine siltemeler boıynsha óz betińizshe teksere alasyz.
Aktıvter men mindettemeler týraly Deklarasıa QR-da jáne odan tys jerlerde bolýy týraly aqparatty kórsetýge arnalǵan:
- sheteldegi jyljymaıtyn múlik jáne kólik;
- sheteldik banktegi aqsha 3,5 mln teńgeden asady (1000 AEK);
- sheteldik kompanıaǵa qatysý úlesi;
- baǵaly qaǵazdar, sıfrlyq aktıvter (bıtkoınder jáne t. b.);
- úlestik qatysý sharty (turǵyn ǵımarattaǵy úlesi);
- ınvestısıalyq altyn (quımadaǵy altyn);
- zıatkerlik menshik jáne avtorlyq quqyq obektileri;
- 34,5 mln teńge (10 000 AEK)sheginde qolma-qol aqsha;
- basqa tulǵalarmen notarıaldy kýálandyrylǵan qaryz sharttary.
- quny 3,5 mln teńgeden asatyn basqa múlik (qalaýy boıynsha) (mádenı qundylyqtar, zergerlik buıymdar, asyl tuqymdy janýarlar jáne t. b.) – baǵalaýdy 31.12.2023 j. jaǵdaı boıynsha deklarasıany tapsyrý merzimine deıin (2024 jylǵy 15 qyrkúıekten keshiktirmeı) jasaý qajet.
Deklarasıany 2024 jylǵy 15 qyrkúıekke deıin turǵylyqty jeri boıynsha tapsyrý qajet. Deklarasıany «Salyq tóleýshi kabıneti», «Elektrondyq úkimet» veb-portaldary, «e-salyqazamat», Halyk, Bank CenterCredit mobıldi qosymshalary arqyly usynýǵa bolady.
Sondaı-aq azamattar deklarasıany qaǵaz tasyǵyshta poshta arqyly ne kelý tártibimen usynýǵa quqyly.
Sondaı – aq, spıker deklarasıany birinshi ret usynbaǵany úshin eskertý qarastyrylǵanyn, bir jyl ishinde qaıtalap buzǵany úshin-55 380 teńge (15 AEK) mólsherinde aıyppul salynǵanyn aıtty.
Deklarasıada tolyq emes, senimsiz málimetterdi usynǵany úshin:
- jyl ishinde alǵash ret - eskertý.
- bir jyl ishinde qaıtalap buzǵany úshin - 11 076 teńge kóleminde aıyppul (3 AEK).
Salyq salý obektilerin jasyrǵany úshin:
- jyl ishinde alǵash ret - tólenbegen salyqtar somasynan 200%k kólemind aıyppul.
- bir jyl ishinde qaıtalap buzǵany úshin - tólenbegen salyqtar somasynyń 300% mólsherinde aıyppul.
QR QM Memlekettik kirister komıtetiniń saıtynda «Jalpyǵa birdeı deklarasıalaý» bóliminde barlyq aqparat ornalastyrylǵan (https://kgd.gov.kz/ru/content/vseobshchee-deklarirovanie-1-2), onyń ishinde deklarasıany toltyrý boıynsha qadamdyq nusqaýlyq, QR-daǵy óz aktıvterin tekserý boıynsha beıne nusqaýlyq bar.
2024 jylǵy 1 qańtardan bastap kirister men múlik týraly deklarasıada kórsetý úshin aqparat tizbesi qysqardy (270.00-nysan).
«Tólem kózinen salyq salynatyn kiristerdi (jalaqy, depozıtter boıynsha syıaqylar, zeınetaqy tólemderi jáne t.b.) jáne Qazaqstanda tirkelgen múlikti satyp alý nemese ıelikten shyǵarý ne óteýsiz alý týraly aqparatty kórsetý qajettiligi alynyp tastaldy», - dep túsindirdi Q. Kúlembaev.
Budan basqa, kirister men múlik týraly Deklarasıada (270.00-nysan) múlikti satyp alýǵa arnalǵan shyǵystardy jabý kózderi týraly málimetterdi kórsetý jónindegi mindet «Sybaılas jemqorlyqqa qarsy is-qımyl týraly» Qazaqstan Respýblıkasynyń Zańynda kórsetilgen jeke tulǵalarǵa ǵana júktelgen, atap aıtqanda:
- jaýapty memlekettik laýazymdy atqaratyn adamdar men olardyń jubaılary;
- memlekettik fýnksıalardy oryndaýǵa ýákilettik berilgen adamdar men olardyń jubaılary;
- laýazymdy adamdar men olardyń jubaılary;
- memlekettik fýnksıalardy oryndaýǵa ýákilettik berilgen adamdarǵa teńestirilgen adamdar jáne olardyń jubaılary.
Qazirgi ýaqytta kirister men múlik týraly Deklarasıaǵa (270.00-nysan) jáne ony jasaý qaǵıdalaryna ózgerister engizilýde, bekitilgennen keıin 270.00-nysan memlekettik kirister komıtetiniń aqparattyq júıelerinde iske asyrylatyn bolady.
Onyń aıtýynsha, kirister men múlik týraly deklarasıany tapsyrý merziminiń bastalýyna baılanysty siz qoldanystaǵy 270.00 nysany boıynsha mindettemeni oryndaýǵa quqylysyz.
«Eger 2024 jyly «qabyldanǵan» jáne «bólingen» mártebesi bar kirister men múlik týraly deklarasıanyń qoldanystaǵy nysany (270.00 nysany) usynylsa, onda 270.00 nysanyndaǵy deklarasıany qaıta tapsyrýdyń qajeti joq ekenin bilý mańyzdy», - dep atap ótti spıker.
Sondaı-aq, 2024 jyly kirister men múlik týraly Deklarasıany (270.00-nysan) 2021 jyldan 2023 jylǵa deıingi kezeńde aktıvter men mindettemeler týraly Deklarasıany (250.00-nysan) usynǵan barlyq jeke tulǵalar tapsyratynyn eske saldy.
Tapsyrý merzimi - 2024 jylǵy 15 qyrkúıekten keshiktirilmeýi kerek.