Osy jeńildikti alty aıdyń ishinde úsh ret paıdalanýǵa bolady.
"Ashyq NQA" saıtynda jarıalanǵan qujat jobasyna sáıkes, eki eldiń azamattary 30 kúnge vıza alýdan bosatylady, dep habarlaıdy Almaty-akshamy.kz
Syrtqy ister mınıstrligi Qazaqstan úkimeti jáne Taıland úkimeti arasyndaǵy vızalyq talaptardan bosatýǵa arnalǵan kelisimge qol qoıý týraly qaýlynyń jobasyn ázirledi.
"Ashyq NQA" saıtynda jarıalanǵan qujat jobasyna sáıkes, eki eldiń azamattary 30 kúnge vıza alýdan bosatylady. Osy jeńildikti alty aıdyń ishinde úsh ret paıdalanýǵa bolady. Biraq vızasyz júrý merziminiń jıyntyǵy kúntizbelik 90 kúnnen aspaýy shart. Osylaısha, 30 kún ótken saıyn elden shyǵyp, vızasyz qaıta kirýge bolady.
"Eger osy baptyń 1-tarmaǵynda atalǵan adamdar ekinshi tarap memleketiniń aýmaǵynda kúntizbelik otyz (30) kúnnen artyq bolýǵa nıet bildirse, sol tarap memleketiniń zańnamalary men qaǵıdalaryna sáıkes talap etiletin tıisti vıza alýǵa tıis", - delingen qaýly jobasynda.
Kelisimniń naqty merzimi joq. Biraq aldymen memeleketishilik rásimder oryndalýy qajet. Odan keıin eki jaq dıplomatıalyq arnalar arqyly bir-birine jazbasha habarlama jiberedi. Sodan bastap kúntizbelik 30 kúnnen soń kelisim kúshine enedi.
Árbir tarap ekinshi tarapty dıplomatıalyq arnalar arqyly jazbasha habardar ete otyryp, kelisimdi buza alady. Ondaıda sońǵy habarlama alynǵan kúnnen bastap kúntizbelik 90 kúnnen keıin kelisim kúshi toqtatylady.