Tarıh sóıleıdi
Saıası qýǵyn-súrgin qurbandaryn aqtaýǵa qatysty qupıa qujattar ashyldy, dep habarlaıdy Almaty-akshamy.kz. Qazaqtv.com saıtyna silteme jasap.
Basty maqsat - aqtańdaq jyldardyń aqıqatyn ashý. Saıası qýǵyn-súrgin qurbandaryna qatysty tyń derekterdi jınaý qazaqstandyq ǵalymdar tarapynan qarqyndy júrgizile bastady.
Olar Mádenıet jáne sport mınıstrliginiń jabyq qorlaryndaǵy, sondaı-aq prokýratýranyń, İshki ister mınıstrligi men Ulttyq qaýipsizdik komıteti vedimistik muraǵattarynda saqtalatyn materıaldardy zerdeleýde.
Aqparat izdeýmen el óńirlerinde arnaıy qurylǵan 10 jumys toby aınalysady. Jınalǵan zertteý materıaly birneshe jınaqqa biriktirilmek. Olardyń biri jyl sońynda shyǵarylady.
«Biz josparlarymyzda, ádistemelik nusqaýlarymyzda óńirlik komısıalarǵa aýdandarǵa barýdy, ekspedısıalardy, jerleý oryndaryn naqtylaý úshin volonterlik toptardy jiberýdi, ólketanýshylardy, belsendilerdi qosýdy usynamyz. Adamdar bilýi úshin eskertkishter, belgiler qoıylady», - dedi Saıası qýǵyn-súrgin qurbandaryn tolyq aqtaý jónindegi memkomıssıa jobalyq keńsesiniń jetekshisi Sabyr Qasymov.