Fýtboldan el quramasy ilgerilep keledi
2022 jylǵy fýtboldan álem chempıonatynyń irikteý kezeńi aıasyndaǵy Bosnıa jáne Gersegovına men Qazaqstan quramasy kezdesti, dep habarlaıdy Almaty-akshamy.kz Prosports.kz.-ke silteme jasap.
Eýropanyń Bosnıa eliniń Zenısa qalasynda ótken oıyn 2:2 esebimen teń aıaqtaldy.
Alǵashqy taım tolyqtaı alań ıeleriniń basymdylyǵymen ótti. Komanda kapıtany Edın Djekonyń ózinde gol soǵatyn birneshe múmkindik boldy. Biraq Igor Shaskıı qorǵaǵan qaqpadan sańylaý taba alǵan joq.
Al ekinshi taımdy Qazaqstan quramasy shabýylmen bastady. Nátıjesinde buryshtama sátinde Islambek Qýat gol soǵyp ketti. Bul oıynnyń 52-mınýty bolatyn. Biraq 70-mınýtta Aleksandr Marochkın aıyp alańynyń ishinde oıyn tártibin buzyp, qaqpamyzǵa penaltı belgilendi. Ony Mıralem Pánıch sátti oryndap, esepti teńestirdi. Al 86-mınýtta qosalqy quramnan shyqqan Lýka Menalo buryshtamadan gol soqty. Biraq Qazaqstan fýtbolshylary oıyn sońyna qaraı esepti teńestirdi. Bahtıer Zaınýtdınov qosymsha ýaqytta aıyp dobynan gol soqty.
Osy oıynnan keıin Bosnıa quramasy 3 upaı jınap, D tobynda 4-orynǵa jaıǵasty. Qazaqstan quramasy da 3 upaı jınap, sońǵy orynda tur.
Álem chempıonatyna irikteý. D toby.
Bosnıa jáne Gersegovına - Qazaqstan - 2:2 (0:0)
Gol soqqandar: Pánıch, Menalo - Qýat, Zaınýtdınov
Bosnıa jáne Gersegovına: Ibrahım Shehıch (Q) – Sead Kolashınas, Sınısha Sanıchanın, Anel Ahmedhodjıch, Dennıs Hadjıkadýnıch, Mıroslav Stevanovıch – Goıko Sımırot, Mıralem Pánıch, Adı Nalıch – Ermedın Demırovıch, Edın Djeko (K);
Qazaqstan: Igor Shaskıı (Q) – Ian Vorogovskıı, Iýrıı Logvınenko, Sergeı Malyı, Aleksandr Marochkın, Marat Bystrov – Islambek Qýat, Asqat Taǵybergen (K), Georgıı Jýkov, Vladıslav Vasılev – Artýr Shýshenachev.