Halyqqa qyzmet kórsetý ortalyǵynyń qyzmetkerleri jalǵan qujat jasaǵan, dep habarlaıdy aqshamnews.kz Polisia.kz-ke silteme jasap.
Buǵan qatysty Qazaqstan Qylmystyq kodeksiniń 394-baby boıynsha qylmystyq is qozǵaldy. Almaty oblysynda jalǵan qujat rásimdegen Halyqqa qyzmet kórsetý ortalyǵynyń qyzmetkerleri anyqtaldy.
"Almaty oblysynda polısıa qyzmetkerleri HQKO-nyń úsh qyzmetkeri uıymdastyrǵan zańsyz kóshi-qon arnasyn anyqtady. Olar jeke basynyń paıdasy úshin zańdy buza otyryp, eńbek mıgranttaryn zańdastyrý úshin jalǵan qujattar jasaǵan", - dep jazylǵan habarlamada.
Qazaqstan Qylmystyq kodeksiniń 394-baby boıynsha qylmystyq is qozǵaldy.
Bul jaǵdaı İİM kóshi-qon qyzmeti komıteti uıymdastyrǵan aýqymdy jedel-aldyn alý is-sharasy barysynda anyqtaldy.
Aqparatqa sáıkes, polıseıler kóshi-qon zańnamasyn buzýdyń 7 myńnan astam deregine tosqaýyl qoıdy:
2,5 myńnan astam sheteldik Qazaqstan Respýblıkasynyń aýmaǵynda bolý merzimderin buzǵan,
862 sheteldik tıisti ruqsatsyz jumys istegen,
499 qazaqstandyq jumys berýshi zańsyz sheteldik jumys kúshin tartqan,
3 myńnan astam qabyldaýshy tulǵa ishki ister organdaryna sheteldik azamattardyń ózderinde turatyny týraly habarlamaǵan.
Barlyq quqyq buzýshy jaýapqa tartyldy. Sonymen qatar 678 sheteldik azamat elden shyǵaryldy, endi olarǵa Qazaqstanǵa kirýge bes jylǵa tyıym salynady. Alǵash ret Mysyr azamattarynyń zańsyz eńbek qyzmeti faktisi tirkeldi. Qaraǵandyda iri qurylys alańynda ruqsatsyz jumys istegen osy eldiń 14 azamaty tabyldy.
"Almaty oblysynyń Jambyl aýdanynda kóshi-qon qyzmetiniń qyzmetkerleri zańsyz alkogól óndirýmen aınalysqan 12 QHR azamatyn anyqtady. Olardyń da tıisti ruqsat qujattary bolmaǵan", - dep jazylǵan habarlamada.
Zańdy udaıy buzatyn jumys berýshiler de nazardan tys qalmady. Qaraǵandy oblysynda sheteldikterdi zańsyz jumysqa birneshe ret tartýdyń úsh jaǵdaıy anyqtaldy. Osy epızodtar boıynsha QR Qylmystyq kodeksiniń 395-babymen qylmystyq is qozǵaldy, sotqa deıingi tergeý júrgizilip jatyr.