Jańalaryn satyp alý josparda joq, al burynǵy vagondar paıdalaný merzimi aıaqtalǵanǵa deıin qoldanysta bolady, dep habarlaıdy aqshamnews.kz
Bul týraly OKQ brıfıńinde Kólik mınıstrligine qarasty Temirjol jáne sý kóligi komıtetiniń tóraǵasy Janıbek Taıjanov málimdedi.
Taıjanovtyń aıtýynsha, qazirgi ýaqytta 14 baǵytta "Talgo" tıpindegi 14 poıyz júrip jatyr — barlyǵy shamamen 732 vagon. 2023 jyldan bastap Qazaqstanda bul vagondardyń óndirisi toqtatylǵan.
"Talgo" vagondary shyǵarylǵan zaýyt satylyp, endi Stadler vagondaryn óndirilip jatyr. "Talgo" vagondaryn jańadan satyp alý josparlanbaǵan, qoldanystaǵy quramdar paıdalaný merzimi aıaqtalǵanǵa deıin qyzmet etedi", – dedi komıtet tóraǵasy.
Taıjanovtyń aıtýynsha, qazirgi ýaqytta otandyq óndiristegi vagondardy satyp alýǵa basymdyq berilgen. Búginde Qazaqstanda eki zaýyt – ZIG-100 jáne Stadler Kazakhstan jumys isteıdi, olar jańa poıyz quramdaryn shyǵaryp jatyr.