Pavlodarda tártip saqshylaryna jalǵan polısıa qyzmetkeriniń kýáligin kórsetip, jaýapkershilikten jaltarmaq bolǵan azamat ustaldy.
Bul týraly İshki ister mınıstrliginiń onlaın-brıfınginde vedomstvo ókili Shuǵyla Turlybek málimdedi
«Pavlodar qalasynyń patrúldik polısıa ınspektorlary jol qozǵalysy erejelerin buzǵan Lexus markaly avtokóligin toqtatty. Júrgizýshiniń Astana qalasynyń turǵyny ekeni anyqtaldy. Ol ınspektorlarǵa İshki ister mınıstrligine qarasty Jeke qaýipsizdik departamenti qyzmetkeriniń qyzmettik kýáligin usynǵan. Onyń qujattaryn tekserý kezinde kýáliktiń jalǵan ekeni bilgili boldy», - dep málim etti Shuǵyla Turlybek.
Atylmysh oqıǵaǵa qatysty Pavlodar oblystyq polısıa departamenti Qylmystyq kodekstiń 385-baby 3-bóligi (Kórineý jalǵan qujatty paıdalaný) boıynsha sotqa deıingi tergep-tekserýdi bastady.