Qundy tıyndardyń Mońǵol ımperıasy kezeńine jatatyny anyqtaldy.
Memlekettik kirister departamentiniń qyzmetkerleri kóne monetalardy Amerıka Qurama Shtattaryna zańsyz áketýge jol bermedi, dep habarlaıdy Almaty-akshamy.kz. Azattyq Ruhy-na silteme jasap.
Zań buzýshylyqty 22 qańtarda «Jetisý» keden beketiniń qyzmetkerleri Kedendik baqylaý barysynda Almaty qalasynyń áýejaıyndaǵy halyqaralyq pochta jóneltilimderin baqylaý ýchaskesinde anyqtaǵan.
«Qujattarǵa arnalǵan qaptama qapshyǵynyń qabyrǵalarynda monetalardy jasyrý faktisin keden qyzmetkerleri qondyrǵynyń rentgenografıasyn paıdalana otyryp, skanerleý barysynda anyqtady. Ustalǵan monetalar V-XIII ǵasyrlar aralyǵynda Orta Azıa aýmaǵynda moneta ádisimen jasalǵan jáne tarıhı qundylyqqa ıe», - delingen komıtet habarlamasynda.
Departament basshysynyń orynbasary Dáýren Mustafınniń aıtýynsha, tabylǵan zattar Qazaqstan Respýblıkasynyń zańnamasyna sáıkes elden áketý mindetti deklarasıalaýǵa jatatyn jáne ýákiletti organnyń ruqsaty bolǵan jaǵdaıda ǵana múmkin bolatyn mádenı jáne tarıhı qundylyqtar sanatyna jatady.
«Qazirgi ýaqytta anyqtalǵan fakt boıynsha alynǵan zattar men materıaldar sarapshylarǵa berildi, olar qorytyndydan keıin monetalardy áketýge áreket jasaǵan adamǵa qatysty tıisti prosestik sheshim qabyldaıtyn bolady. Aıta ketý kerek, sońǵy ýaqytta tyıym salynǵan taýarlardy kontrabandalyq jolmen ákelý úshin poshta jóneltilimderiniń arnasy kóbirek qoldanylýda», - dedi komıtet ókili.
Tek 2022 jyly Almaty qalasynyń áýejaıynda aınalymǵa tyıym salynǵan taýarlardy, onyń ishinde esirtki jáne psıhotroptyq zattardy, qarý-jaraq pen oq-dárilerdi kedendik shekara arqyly ótkizýdiń ondaǵan jaǵdaılary toqtatyldy.