Zańnamalyq aktilerge qos azamattyǵyn jasyratyndar úshin jazany qataıtatyn túzetýler engiziledi, dep habarlady Almaty-akshamy.kz.
«Basqa eldiń azamattyǵyn qabyldaý kezinde zardaptardy boldyrmaý úshin ózge elge ketken jáne sol eldiń azamattyǵyn qabyldaǵan Qazaqstannyń azamattary 30 kún ishinde Qazaqstan Respýblıkasynyń konsýldyǵyna azamattyqty joǵaltýdy tirkeýge ótinish berýi kerek», - dedi Sh.Turlybek İshki ister mınıstrliginiń onlaın-brıfınginde.
Aıta keteıik, Qazaqstan qos azamattyqty moıyndamaıdy. Qos azamattyqty jasyrǵany úshin 200 aılyq eseptik kórsetkishke deıin (690 myń teńge) aıyppul salynady nemese Qazaqstannan shyǵarý qarastyrylǵan.
TMD-da qos azamattyqty anyqtaý jeńilirek bolady.
«Ótken jyly qos azamattyǵy úshin 841 adam ákimshilik jaýapkershilikke tartylsa, 138-i sot sheshimimen elden shyǵaryldy, qalǵandaryna aıyppul salyndy», - dep naqtylady İİM resmı ókili.
Sońǵy bes jylda azamattyq zańnamany buzǵany úshin 3515 adam qylmystyq jaýapkershilikke tartylsa, onyń 3 myńnan astamyna aıyppul salynyp, 473-i elden qýylǵan. Qazaqstan azamattyǵy barlyǵyna alynyp tastaldy.