Ózin bank qyzmetkeri retinde tanystyrǵan áıel Almaty oblysynyń 20-dan astam turǵynyn aldap ketti
Sarqannyń 35 jastaǵy turǵynyna qatysty alaıaqtyq faktileri boıynsha sotqa deıingi tergeý bastaldy. Qylmystyq is materıaldarynda qala janynda ornalasqan eldi mekenderdiń 20-dan astam turǵyny zardap shekken, dep habarlaıdy Almaty-akshamy.kz Polisia.kz-ke silteme jasap.
Turǵyndar óz aryzynda bank nesıelerin óteý úshin kúdiktige berilgen aqshany óz qajettilikterine paıdalanǵanyna shaǵymdandy.
«Belgili bolǵandaı, ózin bankterdiń biriniń qyzmetkeri retinde tanystyrǵan áıel iri nesıelerdi resimdeýge kómektesip, keıinnen olardy óteý ol arqyly da júzege asyrylady degen shart qoıǵan. Tekserý kezinde kúdiktiniń bankte jumys istemeıtini anyqtaldy, al qarjylyq operasıalardy ózi onlaın rejımde bankke kirgizip qoıǵan ápkesiniń qujattaryn paıdalanyp, júzege asyrǵan. Klıentterdi izdeý qyzmetteri úshin bank nesıe somasyna baılanysty eń tómengi paıyzben syıaqy aýdaryp otyrǵan. Klıentter aı saıyn bank qaryzdaryn adal tólep, onyń bir bóligin kúdikti óz qajettilikterine jumsap otyrǵan. Sondaı-aq, ol adamdarǵa jalǵan mórmen rastalǵan túbirtekter bergen», – dep habarlady Sarqan aýdandyq polısıasy.
Jábirlenýshilerge keltirilgen shyǵyn somasy ázirge segiz mln teńgeden asady. Tergep-tekserýmen qamtylǵan kezeń ótken jyldyń kúzinen bastalǵan. Azamattardyń alaıaqtyq faktileri boıynsha ótinishteri aýdandyq polısıaǵa kelip túsýde. Tergeý QR QK 190-baby (Alaıaqtyq) boıynsha júrgizilýde, onyń barysynda kúdiktige qatysty “kelý týraly mindetteme” májbúrleý sharasy tańdaldy.