Qasym-Jomart Toqaevqa TMD-ǵa múshe memleketterdiń Parlamentaralyq Assambleıasy Keńesiniń qurylǵanyna 30 jyl tolýyna oraı Almatyda ótken mereıtoılyq jıynnyń qorytyndylary týraly baıandaldy, dep habarlaıdy Almaty-akshamy.kz Aqordanyń baspasóz qyzmetine silteme jasap.
Senat tóraǵasy Memleket basshysyna bıyl qyrkúıek aıynda Nur-Sultan qalasynda ótetin Álemdik jáne dástúrli dinder kóshbasshylarynyń VII sezine daıyndyq jumystary týraly málimet berdi.
Qasym-Jomart Toqaev qazirgi kezeńde zamanymyzdyń eń ózekti máseleleri boıynsha syndarly dıalogty qamtamasyz etetin qazaqstandyq forýmǵa ámbebap ári jahandyq dinaralyq dıalog alańy mártebesin alý mańyzdy mindet ekenin atap ótti.
Máýlen Áshimbaev palatanyń Qazaqstan halqyna Joldaýdaǵy negizgi baǵyttardy júzege asyrý jónindegi zań shyǵarý jumystary týraly aıtty.
Memleket basshysy elimizdegi áleýmettik-ekonomıkalyq jáne saıası reformalardy zańnamalyq turǵyda sapaly qamtamasyz etý qajettigin atap ótti.
Sonymen qatar Senat spıkeri depýtattardyń óńirlerge saparlarynyń qorytyndylary týraly aqparat berdi.