Birneshe jyl buryn Almaty bıligi kópdeńgeıli avtoturaq jobasyn tanystyrǵan bolatyn.
"Almaty parkıng" ókilderiniń aıtýynsha, joba jabylǵan joq, dep habarlaıdy aqshamnews.kz
"Qala ákiminiń tapsyrmasy boıynsha, Almatynyń qurylys basqarmasy 2023 jyldan bastap alǵashqy komýnaldyq kapıtaldy avtoturaq qurylysyn aıaqtaýǵa arnalǵan jobalaý-smetalyq qujattamany ázirlep jatyr. Nysan "Kóktem-3" shaǵynaýdanynda ornalasady", – dep habarlady kompanıa.
Jospar boıynsha avtoturaq 207 avtokólikke arnalǵan oryndardy qamtıdy jáne qaladaǵy elektromobılderge arnalǵan zarádtaý stansıalarymen jabdyqtalǵan alǵashqy turaq nysany bolmaq. Alaıda, ókilderdiń aıtýynsha, negizgi máselelerdiń biri – rezervtik elektrmen jabdyqtaý qýatynyń jetkiliksizdigi.
"Bul máseleni sheshý úshin 2024 jyldyń qazanynda dızeldi generatorlyq qondyrǵy (DGQ) ornatý týraly sheshim qabyldandy. Qazir DGQ ornalasatyn ýchaskeniń aktisin alý úshin jerge ornalastyrý jobasy ázirlenip jatyr. Sonymen qatar, syrtqy elektr jelilerin qosýǵa arnalǵan ınjenerlik dálizdi qala josparlaý jáne ýrbanıstıka basqarmasymen kelisý qajet", – dep málimdedi "Almaty parkıng".