Qazaq ulttyq agrarlyq zertteý ýnıversıteti óz qyzmetkerleriniń eńbekaqysyn kóteredi
Kez kelgen ýnıversıtettiń básekelestik artyqshylyqtaryn jasaý jáne ony sol deńgeıde ustap turý, eń aldymen, onyń básekege qabiletti laıyqty eńbekaqy alatyn kadrlaryna baılanysty.
QazUAZÝ baspasóz qyzmetiniń habarlaýynsha, qazirgi ýaqytta "Qazaq Ulttyq agrarlyq zertteý ýnıversıteti» KeAQ-ta oqıtyn stýdentter kontıngenti shamamen 6500 adamdy quraıdy, al profesor-oqytýshylar quramy (POQ), ákimshilik - basqarýshy personal (ÁBP), oqytý-kómekshi personal (OKP), qyzmet kórsetetin (QK) quramnyń sany 1800 adamdy quraıdy, ıaǵnı 3-4 stýdentke bir qyzmetkerden keledi.
Mundaı jaǵdaıda ýnıversıtetti tıimdi basqarý týraly sóz aıtýdyń ózi múmkin emes.
Sondyqtan QazUAZÝ Basqarmasy ÁBP, OKP jáne QK sanyn aıtarlyqtaı qysqartý týraly sheshim qabyldady.
Sonymen qatar, ýnıversıtet basshylyǵynyń usynysy boıynsha, Dırektorlar keńesiniń sheshimine sáıkes QazUAZÝ Basqarmasynyń sany 10-nan 6 adamǵa deıin qysqardy, orynbasarlardyń, prorektorlardyń jáne basqa da basshy kadrlardyń sany eki esege azaıdy.
Qysqartylýǵa túsken barlyq shtattyq qyzmetkerlerge qoldanystaǵy zańnamaǵa sáıkes bir aı buryn habarlamalar berildi, ári jumystan shyǵý járdemaqylary tolyq tólenetinin atap ótken jón.
Basqarý shtatyn mundaı ońtaılandyrý ýnıversıtetke 2022 jylǵy 1 qazannan bastap profesor-oqytýshylar quramynyń jalaqysyn 25%-ǵa arttyrýǵa, al aǵymdaǵy jyldyń 22 jeltoqsanynan bastap ÁBP, OKP, QK jalaqysyn 25%-ǵa arttyrýǵa múmkindik týǵyzdy. Jańa 2023 jyly reıtıńtik baǵalaý negizinde ýnıversıtet qyzmetkerleriniń eń belsendi bóliginiń tıimdi eńbek úlesin eskere otyryp, ÁBP, OKP, QK quramynyń jalaqy mólsherin 40-50%-ǵa deıin jáne odan da kóp ulǵaıtýǵa múmkindik beretin yntalandyrý júıesin engizý josparlanýda.
QazUAZÝ-dyń túpki maqsaty – profesor-oqytýshylar quramy men JOO qyzmetkerleriniń eńbekaqysyn elimizdiń jetekshi ýnıversıtetteriniń deńgeıine kóterý.