Almaty polıseıleri kisi ólimine qatysty qylmystyń betin ashty
“Býran-292” patrúldik ekıpajy kisi óltirýshini ustady, dep habarlaıdy Almaty-akshamy.kz Polisia.kz-ke silteme jasap.
Onyń quramynda polıseı Shyńǵys Nurahmetov jáne Mádı Belgibaev, Shýhrat Bilálov, Naýryzbaı Dánekeev boldy. Túrksib aýdandyq polısıa basqarmasyna adamnyń joǵalǵany týraly aryz kelip tústi. Týystarynyń aıtýynsha, er adam dosyna baryp kelemin dep ketip, qaıtyp oralmaǵan. Syrtqy qyzmetterdiń jeke quramy arasynda izdeýde júrgen adamnyń belgileri bar baǵdar dereý taratyldy. Belgilengen aýmaqty jetik biletin patrúldik polısıa qyzmetkerlerine birinshi kezekte turmysy nashar úılerdi tekserý qıynǵa soqqan joq. Úılerdiń biriniń aýlasynda topyraq pen japyraq basqan shaǵyn shuńqyrdan zorlyqpen óltirilgen joǵalǵan adamnyń denesi tabyldy.
«Qylmys ornynda ınspektorlar sol úıde turatyn kúdiktini ustady. Ol kisi óltirýdi birge ishimdik ishkennen keıin jasaǵan. Aldymen er adamdar arasynda janjal týyndap, ol tóbeleske ulasqan», – dedi Almaty qalalyq PD JPQB patrúldik polısıa polkiniń komandıri, Baýyrjan Hantemirov.
Sonymen qatar Almaty qalalyq PD Kadr saıasaty basqarmasy habarlaǵandaı, polısıa departamenti bastyǵynyń buıryǵymen aýyr qylmystyń betin izin sýytpaı ashqany úshin patrúldik polısıa polkiniń ınspektorlary marapattaldy.