Almaty polısıasy osyndaı jaǵdaıda qalaı áreket etý kerektigin aıtty.
Ózindik qaýipsizdik basqarmasynda kelip túsken qońyraýlardy esepke alý avtomatty túrde júrgiziledi. Bul dabyldarǵa jyldam jaýap berýge múmkindik beredi, dep habarlaıdy Almaty-akshamy.kz Polisia.kz-ke silteme jasap.
«ÓQB-da senim telefony kóp jyl boıy jumys istep keledi. Bul ishki ister organdary qyzmetkerleri tarapynan quqyqtary buzylǵan azamattarmen qarym-qatynas jasaýdyń tıimdi alańy. Bul baǵyttyń negizgi moderatory – bizdiń bólimshe. 8-707-927-67-69 nómiri táýlik boıy qońyraýlardy qabyldaıdy. Sonymen qatar polısıa qyzmetkerleriniń zańsyz jáne ádepsiz áreketteri anyqtalǵan jaǵdaıda http:egov.kz elektrondy úkimet portaly jáne basqa da qoljetimdi aqparattyq resýrstar arqyly aryz/ótinish qaldyrýǵa bolatynyn eskertemiz. Polısıa qyzmetkerleriniń áreketine qatysty azamattardyń árbir aryzy jan-jaqty tekserilip, saraptaýdan ótedi», – dedi Almaty qalalyq PD Ózindik qaýipsizdik basqarmasynyń bastyǵy Erik Jumabaı.
Polısıa departamenti tájirıbede qyzmetter men bólimsheler qyzmetkerleriniń qyzmetin baqylaýdyń birneshe túrleri bar ekenin atap ótti.
«Máselen, keýdege arnalǵan beınetirkegishterdiń kómegimen biz jol polısıasy ınspektorlarynyń jumys sapasyn tekserip qana qoımaı, daýly máselelerdi sheshýge múmkindik alamyz. Sonymen qatar bul sybaılas jemqorlyq táýekelderin joıýdyń aıtarlyqtaı tıimdi sharasy. Sondaı-aq azamattardyń konstıtýsıalyq quqyqtaryn múltiksiz saqtaý, olardyń qylmystyq jáne ákimshilik qýdalaý orbıtasyna negizsiz tartylýyna jol bermeý máseleleri QR İİM men Almaty qalalyq PD basshylyǵynyń turaqty baqylaýynda ekenin habarlaımyz», – dedi E.Jumabaı.