2023 jyly bir AQSH dollary 486 teńge shamasynda bolýy múmkin
Eýrazıalyq damý bankiniń ekonomıseri júrgizgen zertteý jumysynyń aıasynda kelesi jyly bir AQSH dollary 486 teńge shamasynda bolýy múmkin ekeni jarıalandy. Bul týraly atalǵan banktiń 2023 jylǵa arnalǵan makroekonomıkalyq boljamyn tanystyrý kezinde aıtyldy, dep habarlaıdy Almaty-akshamy.kz QazAqparatqa silteme jasap.
«Teńgeniń ortasha jyldyq baǵamy 2023 jyly dollarǵa shaqqanda shamamen 486 teńgeni quraýy múmkin. Bul negizinen munaı baǵasynyń tómendeýi jáne osynyń saldarynan eksporttan keletin túsimderdiń azaıýy múmkindiginen qalyptasýy yqtımal. Osy oraıda teńge baǵamyna qatysty tıisti ózgeris baıqalmaq», - dedi Analıtıkalyq jumys dıreksıasy elder boıynsha taldaý júrgizý ortalyǵynyń aǵa taldaýshysy Aıgúl Berdiǵulova.
Budan buryn habarlanǵandaı, Astana men Almaty qalalaryndaǵy aqsha aıyrbastaý pýnktterinde dollar 465-470 teńgeden saýdalanyp jatyr.
Ulttyq banktiń 29 qarashadaǵy resmı baǵamy – 1 dollarǵa 467, 99 teńge.