Jaıaý júrý de – óner
Álemge áıgili Muhamed Álı «Meni jolymda ustaıtyn nárse – meniń maqsattarym» dep tereń oı tastapty. Iá, rasynda solaı. Biraq munyń astary tym erekshe. Al bizdiń búgingi oıymyz jaıaý júrýdiń paıdasy men basqalaı qyrlaryna baǵyttalǵan. Keıbirimiz jorǵa, taǵy bireýler baıaý qımyldaǵandy unatady. Dese de, qaıtip júrseńiz de, bastysy maqsatpen qımyldaǵan abzalyraq sıaqty.
Maqsatty júris. Bul – óte maǵynaly sóz. Astary bólek, aıtar oıy zor. Eger de árbirimiz óz densaýlyǵymyzdyń janashyry bolsaq, osyǵan kóbirek zeıin qoıǵanymyz jón. Máselen, kólik, avtobýs, troleıbýstan bir sát bas tartyńyz. 2-3 shaqyrym jerdegi jumysqa jaıaý qatynap kórińiz. Kem degende aptasyna eki ret. Sonda býyn, bel aýrýy syndy nárseler azaıar edi. Qatty da júrmeı, jaı da aıańdamaı, qysqasy, ózińizge laıyqty deńgeıdi ustasańyz bolǵany. Qalǵany ózi-aq qalyptasady.
Qorytý. Halqymyz «aýyryp em izdegenshe, aýyrmaıtyn jol izde» depti. Álgiden beri atalǵan paıymdaýlardy qorytsaq, osyǵan saıady. Sondyqtan arasynda jaıaý júrip, deneni shynyqtyryp, salaýatty ómir saltyn qalyptastyrý abzaldyq bolar demekpiz.