Koronavırýs ınfeksıasynyń jańa shtamynyń paıda bolýyna oraı elimizde 3 jeltoqsannan bastap shekteý is-sharalary kúsheıedi. Bul týraly Úkimet otyrysynda málim boldy, dep habarlaıdy almaty-akshamy.kz
QR Densaýlyq saqtaý birinshi vıse-mınıstri Marat Shoranovtyń aıtýynsha, koronavırýstyq ınfeksıanyń «Omıkron» shtamynyń jańa nusqasynyń paıda bolýyna baılanysty, ony el aýmaǵyna ákelýge jol bermeý maqsatynda vedomstvoaralyq komısıada osy jyldyń 3 jeltoqsanynan bastap mynadaı shekteý is-sharalaryn engizý týraly sheshim qabyldandy.
- Birqatar Afrıka elderiniń azamattaryna Qazaqstanǵa sapar shegýine shekteý qoıylmaq. Atap aıtsaq, Ońtústik Afrıka, Botsvana, Lesoto, Namıbıa, Zımbabve, Mozambık, Madagaskar jáne t.b. elderdiń azamattary úshin Qazaqstannyń shekarasy jabylady.
- Vırýstyń jańa shtamynan saqtaný maqsatynda «omıkron» anyqtalǵan elderden keletin azamattardyń vaksına alǵanyna qaramastan, mindetti túrde PTR test anyqtamasy talap etiledi. Bul elderdiń qatarynda Izraıl, Chehıa, Nıderland, Belgıa, Ulbyrıtanıa, Italıa, Germanıa, Avstralıa, Kanada jáne Egıpet bar. Oǵan qosa, vedosmtvoaralyq komısıanyń sheshimimen atalǵan elderden ushyp kelgen azamattar budan bylaı jeti kúndik úı karantınine jatqyzylady.
- Koronavırýstyń "omıkron" shtamynyń aldyn alý úshin Egıpetten keletin áýe reısteri ýaqytsha toqtatylady.
Aıta keteıik, sanıtarlyq-epıdemıologıalyq komıtetiniń departamentteri, shetelden kelgen azamattar týraly aqparatty jergilikti atqarýshy organdarǵa ýaqtyly berýdi, al ákimdikter bul tulǵalardy emhana deńgeıinde qashyqtyqtan baqylaýdy qamtamasyz etýi qajet.