"Kókjıek" shaǵynaýdany turǵyndaryn tolǵandyrǵan másele óz sheshimin tabady. Shaǵynaýdan turǵyndarynyń ótinishteri boıynsha park aımaǵyn abattandyrý jáne Esentaı ózeniniń boıyndaǵy Chernovıskaıa kóshesindegi jaǵalaý aımaǵyn jalǵastyrý jumystary júrgizilýde. Konkýrsty osy jyldyń maýsym aıynda jarıalaý josparlanýda, dep habarlaıdy Almaty-akshamy.kz.
Jumystar osy jyldyń III toqsanynda bastalady.
Jyl sońyna deıin "Kemel" shaǵynaýdanyndaǵy skver, "Kókmaısa" shaǵynaýdanyndaǵy Esentaı ózeni arnasynyń jaǵalaýy abattandyrylady.
- Tótenshe jaǵdaı sheńberinde aýdanda únemi sý basatyn 7 ýchaske anyqtalǵan bolatyn, onyń 6-da jumystar aıaqtaldy. Sońǵy ýchastok – Ýssýrııskaıa kóshesiniń boıymen Ekinshi temirjol vokzaly men Baým toǵaıyna deıingi aralyqta sý burý kanalynyń qurylysy osy jyldyń 15 maýsymyna deıin aıaqtalady. Sondaı-aq bıylǵy jyldyń qańtarynan bastap 27 kóshede 26,5 shaqyrym aryq jelisin rekonstrýksıalaý jáne salý jumystary júrgizilýde. Jumystar 2024 jyldyń Iİİ toqsanyna deıin tolyǵymen aıaqtalady, - dedi Almaty qalasynyń ákimi Jetisý aýdany turǵyndarymen kezdesýinde.