Jaza túri – 91 890 teńge aıyppul nemese 15 táýlikke qamaý.
Qazaqstanda aýa raıynyń qolaısyzdyǵyna baılanysty jabylǵan joldarda kólik júrgizgender 15 táýlikke qamalýy múmkin, dep habarlaıdy Almaty-akshamy.kz
Buǵan deıin adamdardyń jabyq tasjolǵa shyǵyp ketkeni úshin barlyq jaýapkershilik polısıada bolatyn. 2022 jylǵy qazanda «Joldarda kólik quraldarynyń qozǵalysyn toqtatý nemese ýaqytsha shekteý qaǵıdalaryn bekitý týraly» Úkimet qaýlysy shyǵyp, júrgizýshilerdi joldy jabý týraly eskertýdi elemegeni úshin jáne jolǵa shyqqany úshin jazalaý mindetteldi.
Portal málimetinshe, tártip buzýshylar QR Ákimshilik quqyqbuzýshylyq týraly kodekstiń 667-baby boıynsha jaýapkershilikke tartylýy tıis. Avtomobıl joldarǵa shyǵatyn joldy jaýyp tastaǵan polısıa qyzmetkerlerine baǵynbaǵany úshin azamattar birinshi 30 AEK nemese 2022 jyly 91 890 teńge aıyppul tóleıdi nemese 15 táýlikke deıin qamaýǵa alynady. Bir jyl ishinde taǵy buzsa – 15 kúnnen 20 táýlikke deıin qamaýǵa alý. Qamaýǵa alynbaıtyndarǵa (mysaly, múgedekter) 50 AEK, ıaǵnı 152 150 teńge kóleminde aıyppul salynady.