Jandarbek Bekshın Almaty turǵyndaryna jańa "Delta" shtamyn juqtyrmaý úshin ekpe alýǵa shaqyrdy
Óńirlik komýnıkasıalar qyzmeti alańynda Almatynyń Bas sanıtarlyq dárigeri Jandarbek Bekshın qalada koronavırýstyń jańa úndi shtamy týraly habarlady. Onyń aıtýynsha, reseılik pen qazaqstandyq vaksınalar ataýy belgili mýtasıalanǵan alty shtamnan qorǵaıdy.
J. Bekshın Almatyda koronavırýsty qaıta juqtyrǵan 32 jaǵdaıdyń tirkelgenin aıtty. Sondyqtan qaýipti ınfeksıany, ásirese, onyń shtamdaryn juqtyrmas úshin koronavırýsqa qarsy vaksına qajet.
"Bul shtamdy kóbinese jastar juqtyrady. Basty sımptomy – bas aýrýy, tumaý, angına, joǵary temperatýra. Ádette ıis sezý joǵalmaıdy jáne jótel bolmaıdy", – dedi J. Bekshın.
Sondaı-aq "Delta" ishtiń aýyrýymen, qusýmen, tynys jolynyń tarylýymen baılanysty.
Jandarbek Bekshın tek vaksına ǵana aýrýdy boldyrmaýǵa ári ólimdi azaıtýǵa septigin tıgizedi. Búginde Almatyda 386 222 adam vaksınalandy. Ótken táýlikte KVI-dan 5 840 adam ekpe aldy. 60 jastan joǵary ekpe alǵan adam sany 49 314 adamdy quraıdy.
Bas sanıtarlyq dáriger jastardyń qorǵanys sharalaryna jaýapkershilikpen qarap, vaksına alýǵa barýlary kerek ekenin aıtty.