24 sottalǵan adam turǵylyqty jerine kelmegen
İİM Naýryz meıramy qarsańynda jáne mereke aıaqtalǵannan keıin respýblıka kóleminde «Quqyqtyq tártip» jedel-profılaktıkalyq is-sharasyn ótkizdi, dep habarlaıdy almaty-akshamy.kz
İİM resmı ókili Shyńǵys Alekeshev sharanyń basty maqsaty - elimizde «Zań men Tártip qaǵıdatyn» qamtamasyz etý, quqyq buzýshylyqtar men qylmystyń aldyn alý ekenin aıtty.
«İs-sharaǵa 14 myńǵa jýyq polısıa qyzmetkeri men Ulttyq ulannyń áskerı qyzmetshisi jumyldyryldy.10 kún ishinde izdeýde júrgen 71 adam ustalyp, belgilengen turǵylyqty jerine kelmegen 24 sottalǵan azamat anyqtaldy.Mysaly, Pavlodar oblysynda esirtki satqany úshin halyqaralyq izdeýde júrgen sheteldik azamat quryqtaldy.Odan bólek, 400 mln teńgeni zańsyz ıemdenip, uzaq ýaqyt boıy sot tóreliginen jasyrynyp kelgen alaıaq ustaldy»,- dedi ol.
Alekeshevtiń aıtýynsha, arnaıy qabyldaý-taratý ornyna 661 adam ornalastyryldy.
«Olardyń arasynda belgili bir turǵylyqty jeri joq adamdar, qujattary joq sheteldikter bar.Reıdtik is-sharalar barysynda tyıym salynǵan zattardy zańsyz saqtaý men alyp júrýdiń 362 faktisi anyqtaldy, 92 keli esirtki, 35 atys qarýy jáne 161 sýyq qarýtárkilendi»,- dedi ol.
Jol qaýipsizdigin qamtamasyz etýge erekshe nazar aýdarylǵan.
Jol qozǵalysyn qadaǵalaý kezinde:
- jyldamdyq rejımin saqtamaýdyń 22 myń faktisi;
- qarsy jolaqqa shyǵýdyń 337 faktisi tirkeldi.
«Avtokólikti mas kúıde basqarǵan 437 júrgizýshi ustaldy. Onyń 16-y esirtkilik masań kúıde bolǵan.Júrgizýshi kýáliginen aıyrylsa da, kólik tizgindegen 267 adam anyqtaldy»,- deıdi resmı ókil.