İİM resmı ókili Shyńǵys Alekeshev Qazaqstandy esirtki tutynyp, avtomobıl basqarǵan 16 adam ustalǵanyn aıtty, - dep habarlaıdy almaty-akshamy.kz.
Onyń aıtýynsha, İshki ister mınıstrligi Naýryz meıramy qarsańynda jáne ol aıaqtalǵannan keıin "Quqyqtyq tártip" jedel-profılaktıkalyq is-sharasyn ótkizgen. Oǵan 14 myńǵa jýyq polıseı men Ulttyq ulan sarbazdary tartylǵan.
"10 kúnde izdeýde júrgen 71 adam ustalyp, belgilengen turǵylyqty jerine kelmegen 24 sottalǵan azamat anyqtaldy. Arnaıy qabyldaý-taratý ornyna 661 adam ornalastyryldy. Olardyń arasynda turǵylyqty mekenjaıy joq adamdar men qujattary joq sheteldikter bar", - dedi Shyńǵys Alekeshev İİM-de ótken onlaın brıfıńte.
Resmı ókil reıdtik is-shara barysynda tyıym salynǵan zattardy zańsyz saqtaý men alyp júrýdiń 362 faktisiniń anyqtalǵanyn, 92 keli esirtki, 35 atys qarýy jáne 161 sýyq qarý tárkilengenin atap ótti.
Sonymen qatar ol jol qaýipsizdigin qamtamasyz etý basty nazarda bolǵanyn atap ótti.
"İs-shara barysynda jyldamdyq rejımin saqtamaýdyń 22 myń faktisi, joldyń qarsy bóligine shyǵýdyń 337 faktisi tirkeldi. Kólikti mas kúıde basqarǵan 437 júrgizýshi ustaldy. Onyń 16-sy esirtki paıdalanǵany anyqtaldy. Júrgizýshi kýáliginen aıyrylsa da 267 adamnyń kólik basqarǵan", - dedi resmı ókil.