2024 jyldyń 4 sáýirinde Abaı atyndaǵy QazUPÝ-da Ǵylym qyzmetkerleriniń kúnine oraılastyrylǵan Ǵylym dekadasy-2024 Saıasat, mádenıet jáne din máselelerin zertteý ortalyǵynyń saltanatty ashylýymen bastaldy.
Ortalyq QR Ǵylym jáne joǵary bilim mınıstrligi qarjylandyratyn «VR21882428 - Postqalypty kezeńdegi ıslamnyń rýhanı, mádenı, saıası, áleýmettik fenomen retindegi áseri men bolashaǵy: Taıaý Shyǵys jáne Ortalyq Azıa elderiniń tájirıbesi» baǵdarlamalyq-nysanaly ǵylymı joba aıasynda ashyldy (Ǵylymı jetekshisi – PhD Elena Mýzykına).
İs-shara barysynda Basqarma tóraǵasy-rektor Bolat Tilep qatysýshylardy jańa ortalyqtyń ashylýymen quttyqtap, ýnıversıtettiń ǵylymı áleýetin damytýǵa baǵyttalǵan bul mańyzdy qadam jas ǵalymdar men zertteýshiler úshin jańa perspektıvalar ashyp, ortalyqtyń qazirgi álemdegi saıasattyń, mádenıet pen dinniń kúrdeli aspektilerin tereń zertteýge úlken múmkindik beretinin atap ótti. Sonymen qatar, ýnıversıtet basshysy bul bastama tek ýnıversıtette ǵana emes, jalpy elde de ǵylymı zertteýlerdiń jandanýyna yqpal etetinine toqtaldy.
Saıasat, mádenıet jáne din máselelerin zertteý ortalyǵynyń ashylýy ýnıversıtettiń ǵylymı bazasyn nyǵaıtatyn jáne ǵylymı zertteýlerdi, ásirese qazirgi álemdegi áserler men perspektıvalardy zertteý kontekstinde jandandyrýǵa yqpal etetin mańyzdy oqıǵa bolyp tabylady.
QR Ǵylym jáne joǵary bilim mınıstrligi qarjylandyratyn joba ǵalymdar men jas zertteýshilerge qoǵam damýynyń kúrdeli aspektilerin zerttep, taldaýǵa biregeı múmkindik beredi.
Ortalyqtyń qurylýy Qazaqstannyń jetekshi pedagogıkalyq ýnıversıtetiniń ǵylymı bazasy men akademıalyq bedelin nyǵaıtýǵa, sondaı-aq mańyzdy áleýmettik-mádenı jáne saıası máselelerdi zertteýdiń zamanaýı tásilderin damytýǵa baǵyttalǵan taǵy bir qadam bolyp tabylady.
