Qazaqstan quramasynda 5 sport túrinen 53 sportshy bar.
Túrkıanyń Iznık qalasynda IV Dúnıejúzilik kóshpendiler oıyndary bastaldy. Atalǵan sharaǵa 23 sport túri boıynsha álemniń júzge jýyq kóshpendi halyqtarynyń sportshylary baq synaıdy, dep habarlaıdy Almaty-akshamy.kz Elorda.info-ǵa silteme jasap.
«Qazaqstan quramasynda 5 sport túrinen 53 sportshy bar. Búgin kókpar, kókbóri, dástúrli sadaq atý, jamby atý sportshylary jarys jolyn bastaıdy. Jarys qatysýshy elder arasyndaǵy mádenı baılanystardy nyǵaıtý arqyly álemniń kóshpeli halyqtarynyń mádenıetin saqtaý jáne jańǵyrtý, kóshpeli álem halyqtarynyń ulttyq sport túrlerin halyqaralyq deńgeıge shyǵarý jáne saqtaý maqsatyn júzege asyrady»,– deıdi Ulttyq jáne at sporty túrleri ortalyǵynyń baspasóz hatshysy Jadyra Júsip.
Dúnıejúzilik kóshpendiler oıyndary barysynda 10-ǵa jýyq sport túrinen tek kórsetilim oıyndary ǵana bolady. Onyń ishinde bizdiń eldiń sportshylar teńge ilý men aýdaryspaqtan kórermen kózaıymy úshin qoıylym jasaıdy.
Kókpar men kókbóriniń fınaldyq básekeleri 2 qazanǵa belgilengen. Kókpardan QR ulttyq qurama sapynda álem chempıondary komanda kapıtany Ulan Baıtóreev, Abylaıhan Nyshanbekov, «Ǵasyr oıynshysy» atanǵan Qurmanbek Turǵanbek qatarly azamattar bar.