Fýtboldan kelesi álem chempıonaty 2026 jyly ótedi.
Halyqaralyq fýtbol qaýymdastyqtary odaǵy (FIFA) 2026 jyly AQSH, Kanada jáne Meksıkada ótetin álem chempıonatynyń resmı logotıpin jarıalady, dep habarlaıdy Almaty-akshamy.kz.
Astanatv.kz aqparatyna júginsek, logotıpte álem chempıonatynyń kýbogy ártúrli tústerde 26 sanynyń birneshe ret qaıtalanýynan quralǵan órnekte beınelengen. Tanymbelgi Los-Andjelestegi (AQSH) resmı sharada tanystyryldy.
Mýndıaldyń basty kýbogy jarys logotıpinde alǵash ret tańbalandy. Dop dodasy «We are 26» sloganymen ótedi.
Uıymnyń resmı saıty habarlaǵandaı, aldaǵy ýaqytta jarys ótetin 16 qalanyń jeke logotıpteri de tanystyrylatyn bolady.
Fýtboldan 2026 jylǵy álem chempıonaty úsh elde ótedi. Buǵan deıin negizgi kezeńde 32 qurama qatyssa, munda alǵash ret 48 ulttyq qurama baq synaıdy.