Emhana júkti áıelder men 5 jasqa deıingi balalary bar otbasylarǵa patronattyq qyzmet kórsetedi.
Búgin IýNISEF-tiń Jenevadaǵy aımaqtyq keńesshisi Gabrıel Fontana jáne №26 qalalyq emhana janyndaǵy ámbebap ozyq patronaj úlgisi respýblıkalyq úılestirýshileri júkti áıelder men 5 jasqa deıingi balalary bar otbasylarǵa patronattyq qyzmet kórsetýdiń ámbebap ozyq úlgisiniń jumysymen tanysty, dep habarlaıdy Almaty-akshamy.kz
Búgingi tańda emhanada 5 jasqa deıingi 5914 bala medısınalyq kómek alady, 467 áıel júktiligi boıynsha esepte tur.
Kezdesý barysynda emhananyń bas dárigeri Aıgúl Turysbekova balalardy damytý kabınetin, resýrstyq ortalyqty, jastar ortalyǵyn kórsetip, psıholog, áleýmettanýshy, medbıkelerdiń jumysymen tanystyrdy.
Ókilder ámbebap ozyq úlginiń jumysyna qatysty saýaldaryn qoıdy, oǵan emhana qyzmetkerleri jan-jaqty jaýap berdi.
Sondaı-aq, ekskýrsıa aıasynda qonaqtar kásibı mindetterin tıimdi atqarý maqsatynda medısına qyzmetkerleri biliktiligin arttyratyn oqý-sımýlásıalyq ortalyqta boldy.
2022 jyly «N26 qalalyq emhana» Naýryzbaı aýdanyndaǵy «Úzdik tájirıbe ortalyǵy» bolyp tańdalǵan.
Qazaqstan Respýblıkasy Densaýlyq saqtaý mınıstrligi IýNISEF-pen 2017 jyly «Ámbebap ozyq patronaj úlgisi» pılottyq jobasyn iske qosqan bolatyn.
Ámbebap ozyq patronaj úlgisi boıynsha respýblıkalyq úılestirýshi Natalá Kımniń aıtýynsha, joba balalar men sábıler ólimin, shala týý men syrqattanýshylyqty azaıtýǵa baǵyttalǵan.
«Úıde qaraý qyzmeti balanyń jan-jaqty damýyna, bala jaraqatyn azaıtýǵa, otbasylyq qarym-qatynasty jaqsartýǵa yqpal etedi. Sonymen qatar, bul úlgi densaýlyq saqtaý jáne áleýmettik qorǵaý júıesiniń qyzmetterine áleýmettik osal jáne oqshaýlanǵan otbasylardy tartady», - deıdi ol.
Qazaqstanǵa ǵana tán ámbebap ozyq patronaj úlgisi osy ýaqytqa deıin Almatyda náreste ólimi boıynsha aıtarlyqtaı nátıje kórsetti.
Fransıadan kelgen qonaqtar emhana ujymyn tabysty jumysymen quttyqtap, alǵysyn bildirdi.