Bıyl Saýd Arabıasynyń Qajylyq jáne umra mınıstrligi Qazaqstanǵa 4000 qajylyq orynyn bóldi.
Bul týraly QMDB-nyń Qajylyq bólimi málim etti, dep habarlaıdy Almaty-akshamy.kz Elorda.info saıtyna silteme jasap.
Qajylyq maýsymynda qajylarymyzǵa qolaıly jaǵdaı jasaý jáne qajylyqpen aınalysýǵa úmitker týroperatorlar arasynda básekelestikke qol jetkizý maqsatynda Qazaqstan musylmandary dinı basqarmasy qajylyq oryndaryn bólý úshin ashyq jarıalaǵan konkýrs boıynsha 11-31 qańtar aralyǵynda týroperatorlardan qujattar qabyldady.
Qajylyq oryndaryn bólý úshin qoǵam jáne din qaıratkerleri men qajylyq salasyna qatysy joq dinı qyzmetkerlerden quralǵan arnaıy komısıa múshelerin QMDB tóraǵasy bekitti. Týroperatorlarǵa qajylyq oryndaryn bólýde ashyqtyqty qamtamasyz etý úshin «Úmitker týroperatorlarǵa qajylyq oryndaryn bólý» týraly QMDB erejesi negizge alyndy.
Konkýrsqa 20 týroperator qujat ótkizdi. Onyń ishinde qajylyq oryndaryn bólý konkýrsyna qatysýdyń basty talaptaryna negizdelgen qujattary sáıkes 18 týroperator konkýrsqa qatysty. Qalǵan 2 (Safar Like Travel jáne Zam-Zam Company) týroperatordyń halyqaralyq talaptarǵa sáıkes İATA (International Air Transport Association) sertıfıkatynyń bolmaýynan konkýrsqa jiberilmedi. Týroperatorlardan kelgen ótinishter men talap etilgen qujattar ortaǵa salynyp, árqaısysy muqıat qaraldy.
«Qajylyq-2023» maýsymyna týroperatorlarǵa bólingen qajylyq oryndarynyń sany:
1.«Hıkmet Trevel» JSHS – 350 kvota
2. «Atlas Týrızm» JSHS – 340 kvota
3. «Tawaf Travel» JSHS – 330 kvota
4. «Mina travel» JSHS – 260 kvota
5. «Sanabl kz» JSHS – 250 kvota
6. «Qyzmet Saıahat» JSHS – 225 kvota
7. «Qazaq Travel» JSHS – 225 kvota
8. «Hıdaıat-Nýr» JSHS – 225 kvota
9. «Nurkhan travel» JSHS – 225 kvota
10. «Ordabasy-NJ» JSHS – 225 kvota
11. «Sembekova» TS – 225 kvota
12. «Al-Marýa» JSHS – 180 kvota
13. «Delta Tour» JSHS – 180 kvota
14. «Robinzon KZ» JSHS – 180 kvota
15. «Nur-Qazaqstan» JSHS – 180 kvota
16. «Iman Travel Týr» JSHS – 140 kvota
17. «Dostik travel» JSHS – 130 kvota
18. «Qazaq Sapar» JSHS –130 kvota.