Sportshylar kezdesýdi breık almasýmen bastady
Qazaqstannyń ekinshi, álemniń 61-raketkasy Iýlıa Pýtınseva Rabat (Marokko) WTA 250 týrnıriniń jartylaı fınalyna óte almady, dep habarlaıdy Almaty-akshamy.kz QazAqparatqa silteme jasap.
Qazaqstandyq tenısshi shırek fınalda dúnıejúzilik reıtıńte 195-orynda turǵan argentınalyq, 20 jastaǵy Iýlıa Rıeramen kortqa shyqty.
Sportshylar kezdesýdi breık almasýmen bastady. Esep 5:5 bolǵan mezette Pýtınseva taǵy bir breıkke qol jetkizip, óz geımin de aldy – 7:5.
Esesine ekinshi partıada Iý.Rıera sáttirek oınap, setke dop bergende, óz múmkindigin paıdalanbaǵanymen, taǵy bir breık jasap ketti – 6:4.
Úshinshi, sheshýshi setti argentınalyq tenısshi breıkpen bastady – 2:0. Machty da breıkpen támamdady – 6:2.
Eki saǵat jarymǵa jýyq ýaqytqa sozylǵan tartysty báseke barysynda Pýtınseva 10 breık-poınttyń teń jartysyn ǵana paıdalandy. Qarsylasy 1 eıs, 7 breıkpen (19 breık-poınt) kózge tústi.
Iý.Rıera fınalǵa shyǵý úshin reıtıńte 74-satydaǵy aýstrıalyq Djýlıa Grabermen talasady. Ol jarystyń birinish, álemniń 26-raketkasy, ıtalıalyq Martına Trevızandy joldan taıdyrdy. Esep 3:6 bolyp, birinshi partıa bitkennen keıin ıtalıalyq tenısshi básekeni jalǵastyrýdan bas tartty.