Ázirbaıjannyń Armenıaǵa qarsy terıtorıalyq talaptary joq
Armenıa Premer-mınıstri Nıkol Pashınán Máskeýdegi Joǵary Eýrazıalyq ekonomıkalyq keńestiń otyrysy aıasynda Armenıa men Ázirbaıjan bir-biriniń terıtorıalyq tutastyǵyn ózara moıyndaýǵa keliskenin jetkizdi, dep habarlaıdy Almaty-akshamy.kz Zakon.kz-ke silteme jasap.
"Men, óz tarapymnan, Armenıa men Ázirbaıjan bir-biriniń terıtorıalyq tutastyǵyn ózara moıyndaýǵa keliskenin rastaǵym keledi ári osy negizde biz qarym-qatynasymyzdy retteýde óte jaqsy ilgerileýge qol jetkizýdemiz dep aıtýǵa bolady", - dep TASS Pashınánnyń sózin keltiredi.
Sondaı-aq ol jýyrda Baký men Stepanakerttiń salmaqty syndarly dıalogy bastalatynyn atap ótti.
Prezıdent Álıevtiń aıtýynsha, Ázirbaıjannyń Armenıaǵa qarsy terıtorıalyq talaptary joq.
"Baký men Erevannyń beıbit kelisimge kelý múmkindigi bar, ásirese Armenıa Qarabaqty Ázirbaıjannyń bir bóligi retinde resmı túrde moıyndaǵanyn eskersek", - dep jaýap berdi Ázirbaıjan Prezıdenti Ilham Álıev.
Buǵan deıin Máskeýde Joǵary Eýrazıalyq ekonomıkalyq keńestiń otyrysy ótip jatqany habarlanǵan bolatyn. Otyrysta QR Prezıdenti Qasym-Jomart Toqaev sóz sóıledi, ol birqatar bastamalardy atap ótti, onyń ishinde Qazaqstan Eýrazıalyq ónerkásiptik kooperasıany damytý ortalyǵy retinde áreket etýge daıyn ekenin atap ótti.