Aldaǵy kúnderi Renn men Parıjde uly aqynnyń shyǵarmashylyǵyna arnalǵan is-sharalar ótedi
Qazaqstannyń Parıjdegi Elshiliginde Abaı Qunanbaıulynyń «Jelsiz túnde jaryq aı» shyǵarmasyna arnalǵan qysqa metrajdy anımasıalyq fılmniń premerasy ótti, dep habarlaıdy Almaty-akshamy.kz El.kz-ke silteme jasap.
«MPL Culture» kompanıasynyń qoldaýymen «Qazaqstannyń Fransıadaǵy áıelderi» qoǵamdastyǵy uıymdastyrǵan is-sharaǵa shet memleketterdiń elshileri, saıası, akademıalyq, mádenı jáne isker toptardyń ókilderi qatysty.
Anımasıalyq fılmdi Angýlem qalasynda oqıtyn Domınıka Qydyrbaevanyń jetekshiligimen fransýz-qazaqstandyq stýdentterdiń kreatıvti toby jasady. Mádenı is-sharanyń aıasynda Ǵazıza Ǵabdrahımova qazaq kompozıtorlarynyń shyǵarmalaryn ejelgi qobyz aspabynda oryndady.
Sonymen qatar, aldaǵy kúnderi Renn men Parıjde uly aqynnyń shyǵarmashylyǵyna arnalǵan is-sharalar ótedi. Osy qalalarda ornatylǵan Abaı eskertkishteriniń janynda jınalyp, qazaqstandyqtar men onyń shyǵarmashylyǵyn súıetin fransýz azamattary uly babamyzdy eske alyp, óleńderin oqıdy.