Tartysty machta Iý.Pýtınseva 6:7 (3:7), 6:2, 6:4 esebimen jeńiske jetti
Qazaqstannyń ekinshi, álemniń 47-raketkasy Iýlıa Pýtınseva AQSH-ta topyraq tósenishinde ótip jatqan Charlston WTA 500 týrnırin sátti bastady, dep habarlaıdy Almaty-akshamy.kz QazAqparatqa silteme jasap.
Qazaqstandyq tenısshi alǵashqy aınalymda álemniń burynǵy úshinshi raketkasy, ýkraınalyq Elına Svıtolınamen sheberlik baıqasty.
Bul E.Svıtolınanyń sábıli bolýyna baılanysty bir jyldan astam ýaqyttan keıin kortqa birinshi shyǵýy edi.
Qarsylastardyń osyǵan deıin jeti márte joldary toqaılasyp, sonyń altaýynda ýkraınalyq, bireýinde ǵana qazaqstandyq sportshy jeńgen bolatyn. WTA dodalarynda 16 ret chempıon atanǵan E.Svıtolınanyń Tokıo olımpıadasynda qazaqstandyq Elena Rybakınany utyp, qola júldege ıe bolǵany belgili.
Bul joly asa tartysty machta Iý.Pýtınseva 6:7 (3:7), 6:2, 6:4 esebimen jeńiske jetti.
Úsh saǵatqa jýyq ýaqytqa sozylǵan báseke barysynda Iýlıa 2 eıs jasap, 24 breık-poınttyń jeteýin óz paıdasyna jazdy. Qarsylasy 5 eıs, 4 breıkpen (11 breık-poınt) kózge tústi.
Iýlıa Pýtınseva úshinshi aınalymǵa shyǵý úshin álemniń 17-inshi, osy jarystyń 7-raketkasy, reseılik Ekaterına Aleksandrovamen talasady.
Júlde qory 780 637 AQSH dollaryna baǵalanǵan doda 9 sáýirde máresine jetedi.