Departament mamandarynyń sózine sensek, monıtorıń jumysynyń nátıjesi 1 aptada aıqyn kórinedi
Úlken Almaty ózeni arnasy lastanyp barady. Qoqys ordasyna aınalǵan bul orynda serýen quryp, demalý múmkin emes, dep habarlaıdy Almaty-akshamy.kz Almaty.tv-ge silteme jasap.
Kóktem kelgenimen, Úlken Almaty ózeniniń jaǵdaıy kóńil qýantpaıdy. Munda túrli polıetılendi paketter, plasıkalyq qaǵazdardy kezdestiresiz. Qazirdiń ózinde jaǵymsyz ıis shyǵyp, jaıaý júrginshiler aýmaǵy qoqysqa tolǵan.
«Qazirgi tańda ekologıa basqarmasynyń basshylyǵymen komısıa quryp otyrmyz. Almaty qalasy boıynsha monıtorıń júrgizemiz», – dedi Ekologıa departamentiniń resmı ókili Ádil Nurpeıisov.
«Saıran kóliniń jan-jaǵynda bıyl qorshaý jasaý jumysy bastalady. Byltyr Esentaı ózeniniń boıyna jasadyq», – dedi Ekologıa jáne qorshaǵan orta basqarmasy Sý jáne sýdy qadaǵalaý bóliminiń bas mamany Esbol Ibragımov.
Departament mamandarynyń sózine sensek, monıtorıń jumysynyń nátıjesi 1 aptada aıqyn kórinedi. Qoqystan bólek, alańdatar jaıt taǵy bar. Ol - qorshaýlarǵa salynǵan esirtki satatyn ınternet dúkenderdiń trafarettik jarnamasy. Baspaldaqtar men jaıaý júrginshiler jolynyń jaǵdaıy da máz emes. Jaǵalaý abattandyrýdy qajet etedi. Bul máselelerge qatysty mamandar alda jumys jalǵasady dep sendirdi.