Iýlıa Pýtınseva Bıllı Djın Kıng kýbogynda Qazaqstan rekordyna qol jetkizdi
Qazaqstandyq Iýlıa Pýtınseva Bıllı Djın Kıng kýbogynda jekeleı synda 15-inshi jeńisine qol jetkizdi, dep habarlaıdy Almaty-akshamy.kz.
Qazaqstan tenıs federasıasynan málim etkenindeı, bul –elimizdiń tenısshileri arasyndaǵy rekordtyq nátıje. Osyǵan deıin Qazaqstan áıelder quramasynyń qazirgi kapıtany Iaroslava Shvedova men Zarına Dıastyń enshisinde 14 jeńisten bar edi.
Iý.Pýtınseva Bıllı Djın Kıng dodasynda 2014 jyldan beri óner kórsetip keledi. Búgin ol Germanıanyń birinshi, álemniń 17-raketkasy Anjelıka Kerberdi 3:6, 6:3, 6:2 esebimen tize búktirdi. Bul onyń Kerbermen ózara kezdesýlerindegi alǵashqy utysy edi.
«Birinshi bolyp synǵa túsý qashanda qıyn. Bastapqyda abyrjyǵandyqtan, ózime-ózim kele almadym. Birinshi set sońynda soqqyny seziný kerektigin túsindim. Sosyn Anjelıkanyń osal tustaryn tabýǵa tyrystym. Ashyq qalǵan jerlerdi kózdep, ony kóbirek júgirtýdi oıladym. Bul taktıkam júzege asty. Mundaı machta árbir upaı mańyzdy. Erteńgi oıynda da barymyzdy salamyz», - dedi Iý.Pýtınseva.