Bul týraly elordada ótken baspasóz máslıhatynda Syrtqy ister mınıstrliginiń resmı ókili Aıbek Smadıarov málim etti, dep habarlaıdy Almaty-akshamy.kz QazAqparatqa silteme jasap.
«Shetelde qıyn jaǵdaıǵa tap bolǵan elimizdiń azamattaryna kómek kórsetý maqsatynda Syrtqy ister mınıstrliginde tıisti qarajat qarastyrylǵan. Osy oraıda Qazaqstan azamattaryna qatysty shyǵyndardy memleket óteıdi. Jaqynda Italıada bizdiń eldiń azamatyn kólik qaǵyp ketip mert boldy. Bul qaıǵyly oqıǵa boıynsha týystary bizge ótinish jasaǵan bolatyn. Qazir marqumnyń múrdesin Qazaqstanǵa jetkizýge qarajat bólinip jatyr. Bul turǵyda tıisti qujattar rásimdeledi», - dedi A. Smadıarov.
Esterińizge sala keteıik, jaqynda Italıanyń Salerno qalasynda 27 jastaǵy Ásem Jarbosyndy kólik qaǵyp, mert qyldy.
Atalǵan eldiń jergilikti BAQ taratqan málimetine sáıkes, qaıǵyly oqıǵa Salerno qalasynda bolǵan. 17 qańtar kúni Peugeo kóligin basqarǵan 20 jastaǵy júrgizýshi Djýzeppe Verdı opera teatry mańyndaǵy jaıaý júrginshiler jolynda stýdent qyzdy qaǵyp ketken.