Bul týraly elordada ótken baspasóz máslıhatynda Syrtqy ister mınıstrliginiń resmı ókili Aıbek Smadıarov málim etti, dep habarlaıdy Almaty-akshamy.kz QazAqparatqa silteme jasap.
«Jaqynda elimizdiń eki azamaty Qazaqstanǵa jetti. Juma kúni týystary habarlasyp, Mánmadaǵy kompanıadan qashyp shyqqandary týraly aıtty. Bizdiń konsýl dereý Taılandtyń shekarasyna baryp, Mánmadaǵy shaǵyn qalashyqtyń shetinen olardy alyp ketti. Osy oraıda olarǵa qaýipsiz jerge jasyrynýǵa nusqaý berdik. Óıtkeni atalǵan kompanıa ókilderi olardy izdeıtin bolsa, bul azamattardy dereý taýyp alatyny anyq edi. Jergilikti turǵyndar da osy kompanıaǵa kómektesýi múmkin edi», - dedi A. Smadıarov.
Onyń aıtýynsha, Qazaqstan azamattary Bangkokke jetkizilgennen keıin, olardyń qujattary rásimdelgen. Kóshi-qon zańnamasyn buzý derekterine qatysty aıyppuldary tólendi.
«Sonymen qatar, olarǵa Qatar arqyly áýe kóligimen ushyp kelý úshin bılet satyp alynyp, keıin Almatyǵa jetkizildi», - dedi resmı ókil.