Qujattar tizimi eki ese qysqardy.
Búgin QR Indýstrıa jáne ınfraqurylymdyq damý mınıstriniń №432 buıryǵyna ózgerister kúshine endi. Onda biryńǵaı operator – «Qazaqstan Turǵyn úı Kompanıasy» AQ kepildigin alý úshin qujattar 2 ese qysqartyldy, dep habarlaıdy Almaty-akshamy.kz.
«Biz bıznespen birqatar kezdesýler ótkizdik, artyq talaptardy alyp tastadyq, qarapaıym jáne ashyq rásimderdi engizip jatyrmyz. Ázirleýshiler óz ótinimderin portal arqyly turaqty negizde onlaın tapsyra alady jáne jeke kabınetter arqyly statýstaryn baqylap otyrýǵa bolady. Barlyq kezeńderde sıfrlyq iz qalady».
«Bıyl biz 1 trln. teńge mejesinen ótemiz. Shaǵyn jáne orta kompanıalar, ásirese óńirlerdegi kompanıalar bizdiń kepildigimizdi alý múmkindigine ıe bolýy úshin zańnamalyq talaptardy tómendetý boıynsha jumys isteýdemiz. Eger joba boıynsha defolt oryn alsa, onda QTK óz qarajaty esebinen turǵyn úıdiń qurylysyn aıaqtaıdy jáne ony úleskerlerge beredi, azamattardyń qarajatynyń 100% saqtalýy qamtamasyz etiledi», - dep túsindirdi tóraǵa orynbasary Oljas Salyqov.
Kepildik berý tetigi arqyly barlyǵy 862 mlrd. teńgege 178 joba maquldandy. Bul eldegi 53 myń úleskerdiń salymdaryn qorǵaýǵa múmkindik berdi.