Almaty-akshamy.kz saıtynda búgin jaryq kórgen jańalyqtarǵa sholý – kún kerýeni
Ólseń de, qutylmaısyń...
Qazaqstanda komýnaldyq tólemder men nesıeler boıynsha bereshek mura bolyp sanalady.
Murany qabyldaǵan adam qaıtys bolǵan týysynyń nesıesin qaryz shartynda jazylǵan keste boıynsha óteıtin bolady. Eger bereshekti óteý kestesi oǵan yńǵaısyz bolsa nemese qaryzdy merziminen buryn japqysy kelse, munyń bárin nesıe berýshimen sheship alýy tıis.
Eger qaıtys bolǵan adamnyń muragerleri bolmasa nemese olar murany paıdalanýdan bas tartsa, onda ol ıesiz múlik dep tanylady jáne ol komýnaldyq menshikke ótedi.
60 jylda alǵash ret...
Áýejaı kóliniń túbi 60 jyldan berip tazartylmapty. Bıyl alpys jyldan beri alǵash ret Áýejaı kóliniń túbin tazartylatyn boldy. Bul týraly búgin Túrksib aýdanynyń halqymen kezdesken megapolıs basshysy Erbolat Dosaev aıtty.
Ákimniń aıtýynsha, Áýejaı kóliniń túbi tazartylyp qana qoımaı, odan ári abattandyrylyp, jaıaý júrginshiler kópiriniń qurylysy men túbindegi sý aǵyzý jumystary júrgiziledi.
Poıyz bıletiniń qunyn qaıtara alamyz ba?
24 saǵattyń ishinde qaıtarylǵan bılettiń quny da tolyq beriledi. Al budan az ýaqytta nemese poıyz jóneltilgenge deıingi alty saǵattan keshiktirmeı qaıtaryp úlgergen jaǵdaıda bılet baǵasy men plaskarttyń 50 paıyz aqshasyn qaıtaryp ala alasyz. Qala mańynda qatynaıtyn poıyzdyń bıletin ótkizip, aqshany qaıtarýǵa bolady. Bıletti poıyz jóneltilgenge deıin 24 saǵat ishinde qaıtarǵan jaǵdaıda jolaýshyǵa tolyq jolaqy beriledi, al 24 saǵattan az ýaqyt ishinde, biraq poıyz jóneltilgennen keıin bir saǵattan keshiktirilmegen jaǵdaıda jol júrý qunynyń 70 paıyzy qaıtarylady.
Jańa ınvestor baǵany qymbattatpaı ma?
Úkimette «Qazaqtelekom» AQ-nyń mobıldi operatorlarynyń birin jańa ınvestorǵa berý máselesi talqylandy. Qatysýshylar «Qazaqtelekom» AQ kompanıalar tobyn demonopolızasıalaý barysyn talqylady. Atap aıtqanda, mobıldi operatorlardyń birin básekege qabiletti naryqqa shyǵarý prosesi qarastyryldy. Jalpy bul shara halyqqa kórsetiletin qyzmet sapasyn arttyryp, telekomýnıkasıa salasynyń damýyna oń áserin tıgizedi dep kútilýde.
Zeınetaqy kóbeıdi me?
«2024 – 2026 jyldarǵa arnalǵan respýblıkalyq búdjet týraly» zańǵa sáıkes yntymaqty zeınetaqy mólsheri 2024 jylǵy 1 qańtardan bastap 9 %-ǵa ósti. Memlekettik bazalyq zeınetaqy tóleminiń mólsheri eń tómen kúnkóris deńgeıiniń ulǵaıýyna, sondaı-aq eń tómen mólsherdiń 60 %-dan 65 %-ǵa, eń joǵarysy eń tómen kúnkóris deńgeıiniń 100 %-dan 105 %-ǵa deıin ulǵaıýyna baılanysty kóbeıdi.
Memleket basshysynyń alǵashqy sapary
Qazaqstan prezıdentiniń 2024 jylǵy alǵashqy sapary Italıadan bastaldy.
Qasym-Jomart Toqaevty Rım áýejaıynan Italıanyń Qorǵanys mınıstri Gvıdo Krozetto, Rım Papasynyń ókili Franchesko Kanalını qarsy aldy. Erteń Qazaqstan Prezıdenti Vatıkanda Rım Papasy Fransıskpen kezdesedi.
Obaǵa qarsy qaýqarymyz qandaı?
Obaǵa qarsy qyzmet jylyna eki ret profılaktıkalyq jumystar júrgizedi. QR Densaýlyq saqtaý vıse-mınıstri, bas sanıtarlyq dáriger Aıjan Esmaǵambetova Senatta Qazaqstanda oba aýrýynyń aldyn alý sharalary týraly aıtty. Senat depýtaty Ernur Áıtkenov kórshiles memleketterde aýrý oshaqtary baıqalsa, shekaralas aımaqtarda aýrý juqtyrý qaýpi bar ekenin atap ótti.
2000 páter kimge beriledi?
Almaty ákimi Erbolat Dosaev Túrksib aýdany turǵynynyń suraǵyna jaýap bergende bıyl kóktemde halyqtyń áleýmettik osal toptary úshin 2000 páterdi beriletinin aıtty.
"Biz halyqtyń osal toptaryna sanatyna (HSTS) páter satyp aldyq, men ózim baryp kórdim, tanystym. Páterlerdi qabyldaý rásiminen keıin biz mamyr aıynyń sońyna deıin kezekte turǵandarǵa kiltterdi berýge tyrysamyz. Komýnaldyq ınfraqurylymdy damytý basqarmasy bekitilgen tizimderdi taǵy ber qarap shyǵady. Jaqyn arada qala kezekte turǵandar kópten kútken qonys toıyn atap ótedi dep úmittenemin", - dep túsindirdi qala ákimi.
Jańa jyldy Naýryzda toılaımyz
Senattyń jalpy otyrysynda depýtat Álı Bektaev Jańa jyldyń ornyna Ulystyń uly kúnin ulyqtaý qajettigine toqtaldy.
«Qazaqstan úshin bul mereke erekshe mańyzǵa ıe. Halqymyzda «Naýryz – Ulystyń uly kúni, jyl basy, kún men túnniń teńelgen kúni» dep aıtylady. Dál osy kúnderi bitelgen bulaqtardyń kózin ashyp, jerge tal otyrǵyzyp, árkim óz aýlasy men úı-jaıyn tazalaǵan. Egiske shyǵyp egin egip, malmen aınalysatyndar tól alýǵa kirisip Jyl basy qaınaǵan eńbekke ulasqan.
Budan buryn memleket basshysy Qasym-Jomart Toqaev «Egemen Qazaqstan» gazetine bergen suhbatynda Naýryz meıramyn jańasha toılaý týraly aıtqan bolatyn.
Arysta balon jaryldy
Naýbaıhana men jaqyn ornalasqan dúkenniń 200 sharshy metrge jýyq aýmaǵy órtke oranǵan. Qutqarýshylardyń aıtýynsha, gaz balondarynyń biri órt ornyna jaqyn turǵandyqtan gaz tez qyzyp, jarylys bolǵan. Zardap shekkenderdiń biriniń denesin 30 paıyz kúıik shalsa, ekinshisiniń denesiniń 70 paıyzy kúıip qalǵan.