Elimizde «DosbolLIKE» respýblıkalyq aksıasy bastaldy.
Ol mektepterdegi áleýmettik-emosıalyq ahýaldy jaqsartýǵa baǵyttalǵan, dep habarlaıdy almaty-akshamy.kz.
Aksıanyń maqsaty − yntymaqtastyq arqyly oń qarym-qatynastyń eń jaqsy joldaryn tabý jáne bilim berý mekemelerinde dostyq, qaýipsiz keńistik qurý úshin oqýshylar qaýymdastyǵyn biriktirý. «DosbolLIKE» aksıasy 2024 jyldyń 17 qańtarynan 17 aqpanyna deıin jalǵasady.
«DosbolLIKE» jobasy balalardyń áleýmettik-emosıanaldyq daǵdylaryn damytyp qana qoımaı, bilim berý ortasynda sapaly ózara qarym-qatynas úshin berik negiz qalaıdy. Biz synyptarda syndarly áreket etý daǵdylaryn jáne qolaıly psıhologıalyq ahýaldy qalyptastyrý tabysty bilim alýdyń negizgi qadamy bolatynyna senimdimiz. «DosbolLIKE» tek jaı ǵana bastama emes − bul bizdiń úzdik bilim berý tájirıbesine ınvestısıamyz», - dep atap ótti QR Oqý-aǵartý vıse-mınıstri Edil Ospan.
Aksıaǵa barlyq orta bilim berý uıymdarynyń 1-11 synyp oqýshylary, ata-analar, pedagogter, eriktiler jáne áleýmettik seriktester qatysa alady.
«Meniń oıymsha, bul joba biz sıaqty oqýshylar úshin óte paıdaly bolady. Qazirgi qoǵamda jábirleý jáne áleýmettik teńsizdik sıaqty máseleler jıi kezdesedi. Osy jobanyń arqasynda oqýshylar óz quqyqtary týraly bilip, basqalarǵa kómektesip, meıirimdilik tanyta alady», - deıdi 9 synyp oqýshysy Másimhan Estileýov.
Aıta keteıik, aksıa aıasynda kelesi baǵyttar boıynsha is-sharalar ótedi:
• Shyǵarmashylyq yntymaqtastyq
• Shaǵyn zıatkerlik akademıasy
• Sporttyq dostyq
• Sheberler qalasy
• Jaqsy kóńil-kúı
• Eriktiler jáne t. b.